Hosea 11 - Iaai Bible 1901 (New Caledonia)

¹ HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.

² Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola.

³ Ke so bi oge me nö Eferaima he ka he, oge me deluʼ ödra ge li benyik; ke ca khanʼ ödrin a oge me ometu ödra.

⁴ Oge me lili ödra hnyi je tö anyin at, wale a toiny ibetengiö; ke iny ûcû ködrin me at ame hom degecâ hna ûhûkâlâköuâ ûnyi hnyi je waidra.

⁵ E ame ca he bi ka hmetu ka hnyi hnyei Aigupito; kʼ ame he bi at Asuria ka tuhan, anyin adre me höcö he ka hmetu.

⁶ Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

⁷ E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

⁸ Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

⁹ Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

¹⁰ Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

¹¹ Adre me he ka o me öbubuny helâ me meno ame gâ ûheny Aigupito, ke helâ me biny ûheny hnyi hnyei Asuria: ke oge me he ka olabʼ ödra hnyi hnyin umödra je uma, haingö Iehova.

¹² Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.