Hosea 10 - Iaai Bible 1901 (New Caledonia)

¹ HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

² Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

³ E hnathu adre me he walang ang ka ha, ka habe, E ba but tuhöta: anyin ate me ca outö Iehova; ke haba than, ieû ae khana he ka ânyâ hobi köta?

⁴ Adre me ha ta je hofuc baû, adre me khemanyin thoi hnyi hnödra hna ûhihinyköu: anyin a wale ame o but hna owisa helâ me je ûö adre me mekiny hnyi je utkânâ adre me belökâ.

⁵ Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

⁶ Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö.

⁷ Haba Samaria, me adre subâ degecâ tuhan, helâ me je ong uto hon köiö.

⁸ Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

⁹ Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö.

¹⁰ Iny ka wek oge me be ka bi hwaban kodra; ke ame he je hnyei ka ûkhacaköu ûcûdra, ödra ka cʼ ödra can anyidra li monu.

¹¹ Eferaima kau ae khenen, at ame beututo hwit; ke oge hia but hanyâûâ nyin ae hmanenang: oge me he ka ip at ka hije hu Eferaima; kʼ ame he Juda ka wia kânâ, kʼ ame he Jekob ka trohnenâ kânân kânâ.

¹² Te hatungen ju öbun hnyi hwakecin ae wisa, menâ ju hoton ibetengiö; he thʼ öbun ka trohnenâ kânöbun kânâ ae itremacat: anyin a ûen ang he ka elom Iehova, ke ne o but e amo o me öta hubun hwakecin ae wisa.

¹³ Öbun e hia but belökâ hwakecin ae kong, me meno hulö; öbun e hia but an waniny thoi: anyin a u je labageju ka hnyi dem gethen, me ânyâm tavat hwege ae se hia.

¹⁴ Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin.

¹⁵ Kʼ ame he Beth-ela ka ânyâ helâe köbun can hwakecibun ae kong: ke adre me he ka subâ degecâ than Isaraela hnyi hnyomakatu kong.