Hna Omanenâ 13 - Iaai Bible 1901 (New Caledonia)

¹ KE e ame tot hon öny hnyi köiö. Ke inya oge me wâ meno ame o ûnyi hnyi köiö ae hu je faoiny a ten, ke je ban a seven, ke e hnyi hon je fao je korona a ten, ke je ien bi gan ka Khong, hon je ban.

² Ke haba meno oge me wâ, me helâ me lepad, ke haba je can me helâ me je can bea, ke haba hnyimen me helâ me hnyimen liona: ke drakona ame ham kâu maniny man, me anyin theron, me musi ae gan.

³ Ke oge me wâ ke ban adre hia but kot helâke ame he but ka mok; ke haba hnân khû ame moko, me a metu but: kʼ ame lâiâ hmeledrany hia hoton meno;

⁴ ke adre me khudrung ka drakona anyin e ame ham maniny man ka meno; ke adre me khudrung minya ju ka meno, haingödra, ka habe, Ie at ae ûcû me meno? ke ie at ae khana he ka vat mē?

⁵ ke adre me ham kâu hnyem, me ame ha ta je ûnyi ae gan, me je bi gan ka Khong; kʼ adre me ham kâu man he ka huliwa hnyi fâte tu je tehi.

⁶ Me e ame memang ut he ka bi gan ka Khong, he ka haikongoâ ien me umen uma menâ, wale tavat adre me laba ethö hnyi drany.

⁷ Ke adre me hna kâu he ka vat me wakap, me he ka hwege hudra: ke adre me ham kâu musi hon ta je tribu hia, me tavat, me hwen hnyei, me ta je hnyei.

⁸ Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

⁹ A ne hu hnyikonyen ke at löng ju.

¹⁰ A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

¹¹ Ke oge me wâ ke meno minya ame o ûnyi eû hnyi kânâ; e hu li fao helâ me arenio, ke e ame fuc helâ me drakona.

¹² Ke e hu gan man hia maniny meno a bân hnyi hnyimakan. Ke e ame kunâ hmeledrany me tavat adre me laba hnyin he ka khudrung ka meno a bân, waleji a ga metu but hnân khû ehac ame moko.

¹³ Ke e ame ânyâ ta je haten ae gan hmâ, wale me me kunâ meic ûnyi hnyi drany ka hnyi hmeledrany hnyi hnyimakan tavat.

¹⁴ Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

¹⁵ Ke adre hna kâu man he ka ha melen hnatheat me me we meno, me me he hnatheat a we meno ka fuc, me kunâ he ka hlingâ tavat hia adre me ca hnyi khudrung ka hnatheat a we meno.

¹⁶ Ke e ame kunâ tavat hia thithö, tavat ae ûhnyûkong me tavat ae gan, tavat tren omjeû, me ta je theduoc, tavat adre hna bâûâ, me ta je athnyaba, mʼ adre me he ka bi hatödra hnyi hnyam a metödra ame ne je baridra;

¹⁷ me me ca he ka khana ke at he ka bihwaban omjeû me ûcû hmetu, ke so bi at ae hu haten, wale ien meno, ame ne numerainy ien bi.

¹⁸ Walang metâ. Hamen at ame wâ ûnykûme he ka aû numerainy meno; anyin a wale numerainy at: ke haba numerainy, me, Siks haded ke sikste siks.