Heberu 7 - Iaai Bible 1901 (New Caledonia)

¹ ANYIN a haba Melekisedek eang, tuhan Salema, at bihut ka Khong ae Beönua, at ame ûkhanö me Aberahama ûheny hnyi hna kot je than, me ame ha hnahicâ e,

² ke haba Aberahama ame ham kâu ke keihen a libenyitainy hia (haba bongon ien a bân adre wia, me, Thaniny hwakecin ae wisa, ke hwaban dö e, Thaniny Salema, walang bongon, Tuhan ûsoköu;

³ ae ba kamen me hinyen, ke ba minya deo lakiben, ke ba minya hwân ta je bonginy, ke ba minya obiny möt, ke adre oûco me Nokon Khong), me, e at bihut bala bi.

⁴ Ke ûnykûme ju öbun ûganiny at e, waleji a ham kâu Aberahama, a pateriaka, ke keihen a libenyitainy hna söh.

⁵ Ke haba je mâtrâni Levi, tavat adre me kap hanymen at bihut, me e hu hnanyibu kodra he ka kap je ke keihen a libenyitainy ûnyi ge tavat hoton hnanyibu, wale ûnyi ge je liamekeiny mʼ ödra, ke ûhedra ûnyi hnyin unyi Aberahama:

⁶ ke haba at a ca tha deo lakiben mʼ ödra, me e ame kap ûnyi ga Aberahama ke keihen a libenyitainy ta je ûnyi, ke e ame hahnahicâ e at ae hu ta je hna ha bânâ.

⁷ Ke ca hnân ivinoâ bi a gʼ ame hahnahicâ at ae ûhnyûkong hnen at ae beönuâ.

⁸ Ke haba walang, ame kap je ke keihen a libenyitainy hnen tavat adre me he ka mok; ke waleji ke at adre ohnathoâ a e möt bi.

⁹ Kʼ ame ne ûcû la ka ha, ka habe, Haba Levi, at ame kap je ke keihen a libenyitainy, me wale at ame ham ke keihen a libenyitainy a deny Aberahama;

¹⁰ anyin a tiga e hnyin unyin kamen, hnyi ûen eji e ame ûkhanö me Melekisedek.

¹¹ Anyin a wale a ne bekhöt so bongon at bihut a at Levi (anyin a hia but kap hnanyibu hnen tavat hmelen e), me hnân eû he ka o ke at bihut helâ me bongu Melekisedek, kʼ adre me ca hâiâ e hoton bongu Arona?

¹² Adre me wia hanymen at bihut, anyin a wale e ti ûcû minya he ka wia hnanyibu.

¹³ Anyin a haba at adre me ha gan ta je ûnyi eang, me hanen ke tribu, ke ba at ûnyi hnyin ehac ame tot hnyi taben hut.

¹⁴ Anyin ae manen a ga o but Tuhöta ûnyi hnyi Juda; ke ba hofuc a ha Mose ge hanymen at bihut hnyi tribu eling.

¹⁵ Ke ti manen gan hmâ but, anyin ame o ke at bihut helâ me bongu Melekisedek,

¹⁶ wale at adre me wia hoton maniny möt ame ca ba balua, ke ca hoton hwakecin hnanyibuiny unyin:

¹⁷ anyin adre me ohnathoâ gan, ka habe, U thibi at bihut nyiele balua Helâ me bongu Melekisedek.

¹⁸ Ke adre me ohia hnanyibu a bân anyin a e sënyin ke ca ûnyi hnathu,

¹⁹ (anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

²⁰ Ke adre me ânyâ e ke adre me khemanyinâ,

²¹ (anyin adre hia but wiʼ ödra hnân at bihut, ke ba khemanyinâ; ke adre me wia e ge hna khemanyin hnen at ame ha gan, ka habe, Haba Than ame khemanyin kʼ ame ca he bi ka ietra, A u thibi at bihut nyiele balua):

²² ke helâe minya adre me wiö Iesu hnân haten hnathuiny ûhihinyköu ae beönua.

²³ Ke adre me osehia tavat bihut, anyin adre me ca tethmâ bi can mok a ödra:

²⁴ ke hu gan hanymen at bihut ame ca he ka wia, anyin a e at ae tethmâ nyiele balua.

²⁵ Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

²⁶ Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

²⁷ ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

²⁸ Anyin a hnanyibu ame otilâ tavat ae sënyin hnân tavat bihut ae nua; ke haba hofucin hna khemanyin, waleji hwaban hnanyibu, me ame otilâ Nokon adre obekhöta nyiele balua.