Heberu 5 - Iaai Bible 1901 (New Caledonia)

¹ ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:

² at ae khana he ka huliwa menyik ka tavat ae ba metâ gadra, me tavat ae monu, anyin ame igigiloâ e minya hnen ta je sënyin;

³ ke can e, me ûcû kâu he ka hudo can ta je hulo anyin tavat, më minya bi.

⁴ Ke ba at ame hom bâûâ hanymen eling ae meic, ke so thibi at ame hawâ hnen Khong helâ me hna hawo Arona.

⁵ Waleling me ca hamen Keriso he ka ogânâ e me ka wia e me me at bihut ae nua, ke so bi hnen at eji ame ha kâu, ka habe, U thibi Nokuk Oge me hnöku u hnyi bong ang:

⁶ helâ me hnen hna ha hnyi ke hofuc, ka habe, U thibi at bihut nyiele balua, Helâ me bongu Melekisedek.

⁷ Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

⁸ eja ke ne a ne Nokon e, me adre me nâ e he ka ûling hnyi ta je ûnyi e ame hokhnyokâ;

⁹ ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

¹⁰ a otilâ e hnen Khong me me at bihut ae nua helâ me bongu Melekisedek.

¹¹ E hu but gahmun ta je hofuc ae se hia he ka hâiâ e, ke hmak bi he ka ha bongon, anyin a öbun bec ka löng.

¹² E ûcû köbun he ka ûne ka tavat anyin ae kuebun dut, ke so bi e ûnyi hnathu a gʼ ame he hmetu ke at ka nʼ öbun ge ta je taben hna ûne a bân hnyi hofuc hwan Khong; kʼ öbun ûcû hmetu he ka ic debai, ke ca he ka han jeû bi.

¹³ Anyin a haba at ame ic debai, me ca metâ bi hnyi hofucin hwakecin ae wisa; anyin a e mendreng.

¹⁴ Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.