Genese 45 - Iaai Bible 1901 (New Caledonia)

¹ KE ca khanö Josefa hmetu he ka hokhnyok hnyi hnyimaködrin hia adre me tot unyin; me ame hongot, ka habe, Kunâ but unyik tavat hia. Ke Josefa ame omanenâ e bi ka je liamekeiny më, ke ba ke at biju unyin.

² Ke e ame tenge hwege göranyai: kʼ ame löng at Aigupito, kʼ ame löng minya lap anyi Farao.

³ Ke haingö Josefa ka je liamekeiny më, ka habe, Inya Josefa; hawa e möt cica? Ke ca khana je liamekeiny mē he ka thu kâu, anyin ödrin e uthmok gan.

⁴ Ke Josefa ame ha ka je liamekeiny mē, ka habe, Hok ju jem öbun könya. Mʼ ödrin e hakekenyâ. Me ame ha, ka habe, Inya Josefa liamekeiny möbun, waleji at öbun e ûco kââng Aigupito ai.

⁵ Ke walang ang ca hmak je hnyekubun, ke ca tenge can anyibun monu, hnyi hnöbun hna ûcû nya kââng; anyin a Khong ame kunö nya bân inya hnân ûhömeli.

⁶ Anyin a lo but li hunainy hmiâ ang hnyi hnyei: ke thabûng biju ta huna ke ba hmetu trohnen me menu.

⁷ Ke Khong ame kunâ bân inya he ka tuʼ öbun a kolon biju hnyi hnyei, me he ka omeli öbun hnen ûhömeli ae gan.

⁸ Anyin öbun e ca kunö nya jem, ke hnen Khong: ke a hia but otilö nya hnân kamö Farao, me thaniny hnyaban hia, me at musi hnyei Aigupito hia.

⁹ Ie he thʼ öbun kö cica, me ha kâu, ka habe, Walang hna ha hnö Josefa a nokom, ka habe, A hia but Khong otilö nya hnân thaniny hnyei Aigupito hia thithö: he but jem könya, ca bec:

¹⁰ ke u ma he ka laba hnyei Gosena, mʼ u ma hakekenyi nya, u me je lakom, me je laöbem, me halem je hnahat mamoe, me halem je kâu, me ânyâm ta je ûnyi hia thithö:

¹¹ kʼ oge me he ka tuö u eling, anyin a thabûng biju je hunainy hmiâ; wâ u nye theduoc, me ânyâm lap, me ânyâm ta je ûnyi hia

¹² Ke wâ bi, ame wâ li emaköbun, me li emakö Beniamina a keik, a gʼ ame fuc köbun hnen hnyimök.

¹³ Ke öbun e he ka thumetu cica ge anyik hmanenang hia hnyi Aigupito, me ta je ûnyi hia öbun e wâ: ke ie su cica but jem.

¹⁴ Ke e ame ta ju hon nyi Beniamina a keiny, me tenge, ke Beniamina ame tenge hon nyin.

¹⁵ Ke e ame ûcimhnyimak me je liamekeiny më hia, me tenge ködrin: ke hwaban e haba je liamekeiny më ödrin e ûhnenamö me.

¹⁶ Ke adre me löng hnyi hnyaba Farao, ka habe, A o thö je liamekeiny me Josefa: ke haba Farao me lathnyabainy ödrin e sënyin.

¹⁷ Ke haingö Farao, kö Josefa, ka habe, Ha thö ka je liamekeiny möu, ka habe, Walang ûnyi öbun e ha ka ânyâ, bi hokâ ju hon halebun je meno, ke he thʼ öbun ka hnyi hnyei Kanana;

¹⁸ me hom dö kamöbun me anyibun je lap jem könya: ke oge me he ka ham köbun soiny hnyei Aigupito, kʼ öbun e he ka han pipikhenyainy hnyei.

¹⁹ Ke walang ang, oge me hûna köu ûnyi öbun e he ka ânyâ; hom dö je ûkat hnyi hnyei Aigupito hobi kâu je lakubun ae ûhnyûkong, me je laöiöbun, ke hom but kamöbun me he jem.

²⁰ Ke ca ûnykûme bi anyibun ta je ûnyi; anyin a hobi köbun soiny hnyei Aigupito hia.

²¹ Kʼ ame ânyâ helâe hnen je laku Isaraela: ke Josefa ame ham ködrin ta je ûkat hoton hna hûna hnö Farao, kʼ ame ha kamejidrin hobi kâu gethen.

²² Ke e ame ham ködrin hia ûsa lo je ûkhaû; ke e ame ham kö Beniamina kun ta haded sileva, ke thabûng ta ûkhaû.

²³ Ke walang hnen hna kunâ ka kamen, libenyita je asina, adre bi hokâ ge ta je ûnyi ae so hnyi Aigupito, ke libenyita ta je asina momo adre bi hokâ hnen hwit, me areto, me kamejin kamen eû hnyi gethen.

²⁴ Ke e ame kunâ je liamekeiny më, mʼ ödrin e he but: ke haingen ködrin, ka habe, Ca he öbun ka û eû hnyi gethen.

²⁵ Ke ödrin e he but ûheny Aigupito me o hnyi hnyei Kanana ûnyi Jekob a kamödrin.

²⁶ Ke ödrin e thumeto e ka habe, E tiga möt Josefa, ke e at ame musö hnyei Aigupito hia. Kʼ ame hmak hnyekon, anyin a e ame ca köp ödrin.

²⁷ Ke ödrin e thumeto e ge ta je ûnyi hia ame ha Josefa ködrin: ke e ame wâ je ûkat a kunâ Josefa hnân taben bi, me ame möt hmetu thö hnyeku Jekob a kamödrin:

²⁸ ke haingö Isaraela, ka habe, E ûcû, e tiga möt bi Josefa nökuk: oge me he ka he me iouny me kʼ iny tiga ca mok.