Genese 36 - Iaai Bible 1901 (New Caledonia)

¹ KE walang je dö ûnyi ga Esau (wale Edoma).

² Haba Esau ame hok laâiân ûnyi ge je hlu Kanana; jia Ada nöku Elona at Heth, me Aholibama nöku Ana, nöku Zibeona at Hivi;

³ me Basemathi nöku Isamaela, hani Nebaioth.

⁴ Ke Ada ame hnöku Elifaza nöku Esau; ke Basemathi ame hnöku Reuela;

⁵ ke Aholibama ame hnöku Jeuso, me Jalama, me Kora: wale je laku Esau a hnokoâ hnyi hnyei Kanana.

⁶ Ke Esau ame hom je laâiân, me je lakon obaga me wahlu, me aten hnyaban hia, me haten ta je meno, me halen ta je bolok hia, me je ûnyi hia thithö e ame hu hnyi hnyei Kanana; kʼ ame he but ka hnyi ke keihen hnyei ûsâkâûö me Jekob a keiny

⁷ Ke ca khanʼ ödru he ka tha laba anyin ae ve gan dut anyidru ta je ûnyi; ke ca ûcû ödru hnyei ödru me laba kanyua hnyin, anyin ae ve se hia but ta je meno.

⁸ Ke Esau ame laba hnyi bucen Seira: haba Esau a Edoma.

⁹ Ke walang je dö ûnyi ga Esau a kamen at Edoma hnyi bucen Seira:

¹⁰ walang je ien laku Esau a je baga; jia Elifaza nöku Ada öiö Esau, me Reuela nöku Basemathi öiö Esau.

¹¹ Ke haba je laku Elifaza, jia Temana, me Omar, me Zefo, me Galama, me Kenaza.

¹² Ke Timena ke momo anyi Elifaza nöku Esau; ke e ame hnöku Amaleka nöku Elifaza: wale ta je mâtrâni Ada öiö Esau.

¹³ Ke wâlang minya ta je laku Reuela, jia Nakath, me Zera, me Sama, me Miza: wale je mâtràni Basemathi öiö Esau.

¹⁴ Ke walang ta je laku Aholibama nöku Ana a nöku Zibeona öiö Esau: ke e ame hnöku Jeuso, me Jalama, me Kora, a je laku Esau.

¹⁵ Walang ta je taben a je laku Esau: haba ta je laku Elifaza nöku Esau a atö; jia Temana taben, ke Omar taben, ke Zefo taben, ke Kenaza taben,

¹⁶ ke Kora taben, ke Gatama taben, ke Amaleka taben: wale je taben ûnyi ga Elifaza hnyi hnyei Edoma; wale je laku Ada.

¹⁷ Ke walang ta je laku Reuela nöku Esau; jia Nakath taben, me Zera taben, me Sama taben, me Miza taben: wale ta je taben ûnyi ga Reula hnyi hnyei Edoma; wale je laku Basemathi öiö Esau.

¹⁸ Ke walang ta je laku Aholibama öiö Esau; jia Jeuso taben, me Jalama taben, me Kora taben: wale ta je taben ûnyi ga Aholibama nöku Ana, öiö Esau.

¹⁹ Wale ta je laku Esau a Edoma, ke wale anyidrin ta je taben.

²⁰ Walang je laku Seira at Hori a aten hnyei; jia Lotana, me Sobala, me Zibeona, me Ana,

²¹ me Disona, me Ezera, me Disana: wale ta je taben anyin at Hori hnyi hnyei Edoma.

²² Ke haba je laku Lotana, jia Hori me Homama; ke Timena hani Lotana.

²³ Ke walang ta je laku Sobala; jia Alevana, me Manakatha, me Ebala, me Sefo me Onama.

²⁴ Ke walang li laku Zibeona; jia Aia me Ana: wale Ana at ame wâ je hna pupuainy köiö ae kahwa hnyi hnyebuba hnyi ûen e ame tuö u je asina hale Zibeona, a kamen.

²⁵ Ke walang li laku Ana; jia Disona me Aholihama a hlu nöku Ana.

²⁶ Ke walang je laku Disona; jia Hemedan, me Eseban, me Itheran, me Keran.

²⁷ Ke walang je laku Ezera; jia Bilehana, me Zaavana, me Akana.

²⁸ Ke walang li laku Disana; jia üza, me Arana.

²⁹ Walang ien ta je taben ame o ûnyi ge at Hori; jia Lotana taben, me Sobala taben, me Zibeona taben, me Ana taben,

³⁰ me Disona taben, me Ezera taben, me Disana taben: wale je taben ödrin e o ûnyi ge at Hori, hoton anyidrin ta je taben hnyi hnyei Seira.

³¹ Ke walang ta je than ödrin e musi hnyi hnyei Edoma, ke tiga ba than ame musö lakon Isaraela.

³² Ke haba Bela Döku Beora ame musi hnyi Edoma; ke Dinaba ien anyin taun.

³³ Ke ame mokcu Bela, ke haba hwaban, at ame musi, jia Jobab nöku Zera ûheny Bozera.

³⁴ Ke a mokcu Jobab, ke haba hwaban, at ame musi, me Husama ûnyi hnyi hnyei Temana.

³⁵ Ke a mokcu Husama, ke haba hwaban, at ame musi, me Hadada, nöku Bedada, wale at ame kuc Midiana hnyi hnyei Moaba: ke Avitha ien anyin taun.

³⁶ Ke a mokcu Hadada, ke haba hwaban, at ame musi, me Samela ûheny Masereka.

³⁷ Ke a mokcu Samela, ke haba hwaban, at ame musi, me Saulo ûheny Rehoboth hnyi haten wagewe.

³⁸ Ke a mokcu Saulo, ke haba hwaban, at ame musi, me Baala-hanana, nöku Akebora.

³⁹ Ke a mokcu Baala-hanana, nöku Akebora, ke haba hwaban, at ame musi, me Hadara: ke Pau ien anyin taun; ke haba ien âiân me Mehetabela, nöku Matereda, nöku Mezahaba.

⁴⁰ Ke walang ien ta je taben ame o ûnyi ga Esau, hoton anyidrin je lap, me idrin je hnyei, me je iödrin; Timena taben, me Aleva taben, me Jethetha taben;

⁴¹ me Aholibama taben, me Ela taben, me Pinono taben;

⁴² me Kenaza taben, me Temana taben, me Mibezara taben;

⁴³ me Magediela taben, me Irama taben: wale ta je taben anyi Edoma hoton je hnyabadrin hnyi idrin je hnyei. Haba Esau wale kamen at Edoma.