Genese 32 - Iaai Bible 1901 (New Caledonia)

¹ KE Jekob ame he hnyi deny gethen, me e ame ukhanö me je angela anyin Khong.

² Ke a ō ʼdrin dut Jekob, me e ame ha, ka habe, Wale but ang utbarat anyi u Khong: ke e ame hwenyi ien dok eling Mahanaima.

³ Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

⁴ Ke e ame hûna ködrin, ka habe, Öbun e he ka ha helâng ki Esau a tuhök, ka habe, Walang hna ta hnö Jekob a athnyabaiem, haingen, ka habe, Oge laba kanyua ûnyi Labana, me laba e ke ne o but walang ang:

⁵ ke e hu gak ta je kau, me asina, me je hnahat, me je athnyaba obaga, me je athnyaba omomo: ke inya oge me ûkhûnöng ka thumetu u tuhök, mʼ u ma betenge gak.

⁶ Ke ame hmetu ju kö Jekob ta je metâ, me ha, ka habe, Öhmun e mwi but unyi Esau a tuhâm, ke wale but ang ame he ka iouny möu, ke e unyin tavat a vak ta haded.

⁷ Me Jekob ame ot gan hmâ me hmak hnyekon: me e ame khenâ luâ tavat unyin, me ta je mamoe, me kâu, me kamela;

⁸ ke haingen, ka habe, A ne iouny Esau me ke bunyen me kucʼ ödra, me ame he ka möt biju ke bunyen.

⁹ Ke Jekob ame ha, ka habe, Khongon kibik Aberahama lö, me Khongu cica Isaaka, Iehova lö, at ame ha könya, ka habe, He hmetu thö ka hnyi hnyei iny je lahanâm, mʼ oge me he ka ânyâ so köu:

¹⁰ e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

¹¹ Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

¹² Ke u je hia but ha könya, ka habe, E hnathu oge me he ka ânyâ so köu, ke oge me he ka osehia je mâtrânâm me me helâ me Önyin köiö, wale me me ca hnân aû anyin ae se hia.

¹³ Ke e ame mokut eling hnyi hnyinghet; me e ame hom ûnyi hnyi anyin ta je ûnyi hnân bwihlany hobi kö Esau a tuhan:

¹⁴ lo li haded ta je got momo, ke twente ta je got baga, me lo li haded ta je mamoe momo, ke twente ta je mamoe baga,

¹⁵ ke thöte ta je kamela adre me ûasin me je lakudrin, ke fâte ta je kâu, ke libenyita ta je bolok, ke twente ta je asina momo, ke libenyita ta lakon.

¹⁶ Ke e ame ve ham ta je hnahat ka ta je athnyabainy; kʼ ame ha ka je athnyabainy, ka habe, Böbun ka hanyâûâ me ve bi hnyiöulen wanben ta je hnahat.

¹⁷ Ke e ame hûna ka at ame bân, ka habe, E ka iouny möu Esau a tuhök, me hnei u, ka habe, U athnyaba ia? kʼ u ma he kâ? ke hale ia hnahat meno hnyi hnyimâkâm?

¹⁸ Mʼ u ma he ka ha, ka habe, Hale Jekob a athnyabaem; ke wale bwihlany adre kunû ka tuhök a Esau: ke wâ ju a e but ang.

¹⁹ Ke helâe minya e ame hûna ka at a loiny me kuniny, me tavat hia ödrin e alen ta je hnahat, ka habe, Öbun e he ka ha helâe kö Esau e ka iouny möbun;

²⁰ ke öbun e he ka ha minya, ka habe, Wâ ju e but ang Jekob a athnyabaem. Anyin a haingen, ka habe, Oge me he kâ omenyikâ e hnen bwihlany adre kunâ bânâ, ke hwaban e oge me he ka iohnyimak me, ame ne he ka köp nya.

²¹ Me a he bân but bwihlany: ke e bi ame mokut hnyi hnyinghet eling tha e mödrin.

²² Ke e ame todrö hnyi hnyinghet eling me hom li âiân, me li athnyabainy momo me je lakon a libenyita ke khaca, me hanyâûâ wagewe Jaboka.

²³ Ke e ame hum ödrin me kunʼ ödrin ka hanyâûâ wagewe, kʼ ame kunâ minya anyin ta je ûnyi.

²⁴ Ke hake laba Jekob; ke haba ke at ame ûsöu më ke ne o but hnyi haolany.

²⁵ Ke a löng ut a e ca hwege hmetu hon, me e ame kâlâ jebalainon; me ame nik dö jebailainou Jekob kʼ ame tiga ûsöu më.

²⁶ Ke haingen, ka habe, hnö nya but, ke lany dö jimeyö ame o. Mo haingen, ka habe, Oge me ca he ka hnö u, ke ne o but u je hahnahici nya.

²⁷ Ke e ame ha kâu, ka habe, Ia iâm? Haingen, ka habe; Jekob.

²⁸ Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

²⁹ Ke Jekob ame hnö, ka habe, Bethe ha thö könya iâm. Me haingen, ka habe, Ieû gam u me hnö iök? me e ame hahnahicâ e eling.

³⁰ Ke Jekob ame hwenyi ien dok e Peniela, haingen, anyin a oge iohnyimak me Khong, kʼ iny möt bi.

³¹ Ke ame o thö seûnö hon hnyi ûen e ame he hanyâûâ Penuela, ke e ame he hwali ge jevan.

³² Waleling me me ca han hnen lakon Isaraela ta je toiny fetrin hnyi jevan ke ne o but hnyi bong ang, anyin e ame kâlâ jebalainon ca Jekob huyi töiny fetriny.