Genese 25 - Iaai Bible 1901 (New Caledonia)

¹ KE haba Aberahama ame hok âiân hmetu Ketura ien.

² Ke e ame hnokoâ nokon jia Zimeran, me Jokesana, me Medana, me Midiana, me Isebak, me Sua.

³ Ke Jokesana ame hnöku Sheba, me Dedana. Ke walang je laku Dedana, jia Asurim, me Letusim, me Leumim.

⁴ Ke haba je laku Midiana, me Efa, me Efera, me Enoka, me Abida, me Eledaa. Je laku Ketura ödrin hia.

⁵ Ke Aberahama ame ham kö Isaaka anyin ta je ûnyi hia.

⁶ Ke Aberahama ame ham ta je bwihlany ka lakon li momo anyi Aberahama; me kunʼ ödrin ka hnyi hnyei e deiö, me me ûsâkâûö me Isaaka a nokon, ke e tiga möt.

⁷ Ke walang je bongon ta je hunainy möt anyi Aberahama, khaca haded ke sevente faiv ta je huna.

⁸ Ke Aberahama ame khûö homenâ, me mokcu ke ti hingat ut, me se hia hunainy; kʼ adre öûkhacaköuâ me lahanen.

⁹ Ke haba Isaaka me Isamaela ödru me konâm e hnyi op e Makepela, hnyi utkânâ anyi Eferona nöku Zohara at Heth, cicö Mamere;

¹⁰ waleji utkânâ a ûco Aberahama unyin lakon Heth: adre könim Aberahama eling ûnyi Sara a âiân.

¹¹ Ke hwaban dö mok a Aberahama Khong ame ohnahici Isaaka a nokon; ke Isaaka ame laba e Bere-lahai-roi.

¹² Ke walang ta je dö anyi Isamaela nöku Aberahama, waleji ame hnokoâ nöku Aberahama hnö Hagara momo Aigupito, hlu anyi Sara:

¹³ ke walang ien je laku Isamaela, a je iödrin hoton anyidrin je dö: jia Nebaioth, nöku Isamaela a bân; me Kedara, me Adebeela, me Mibesam,

¹⁴ me Misema, me Duma, me Masa;

¹⁵ me Hadara, me Tema, me Jetura, me Nafiso, me Kedema:

¹⁶ wale je laku Isamaela, ke wale je iödrin hoton anyidrin je ong taun, me anyidrin je hnabâ; ödrin je than a twelv hoton idrin je hnyei.

¹⁷ Ke walang ta je hunainy möt anyi Isamaela, khaca haded ke thöte seven ta je hunainy; ke e ame khûö homenâ me mokcu, kʼ adre öûkhacaköuâ me lahanen.

¹⁸ Ke ödrin e laba hwân hnyi Havila ke ne o but hnyi Sura, cicö Aigupito, gethen ka he Suria ai: e ame laba hnyi hnyimakan je liamekeiny më hia thithö.

¹⁹ Ke walang je dö anyi Isaaka a nöku Aberahama: Aberahama ame hnöku Isa-aka:

²⁰ ke fâte ta je hunai Isaaka e ame hum Rebeka nöku Bethuel at Suria, a at Padana-rama, hani Labana at Suria, me me âiân bi.

²¹ Ke Isaaka ame khaweâ âiân kö Iehova, anyin ae toûnyi e: ke Iehova ame löng kâu, me ame erkin dut Rebeka a âiân.

²² Ke ame ve hwiö lihûnye eû hnyi hnyekon; ke haingen, ka habe, Ieû ang a oge me helâng? Me e ame he but ka hnei Iehova.

²³ Me Iehova ame ha kâû, ka habe, Lo li dökhu eû hnyi hnyekom, Ke u me he ka hnokoâ lo li hnyei: Kʼ ame he ke hnyei ka hwege hon ke hnyei; Kʼ ame he atö ka bi athnyabainy wakeiat.

²⁴ Ke ame o but ûen he ka hnokoâ, me wâ bi lihûnye eû hnyi hnyekon.

²⁵ Ke haba at ame bân ka o ame dra, helâ me ûkhaû ae tot dinen hia thithö; ke ödrin e hwenyi ien, me, Esau.

²⁶ Ke hwaban dö e ame o but minya keiny, ke hnyamen ame kât ohmâiny ca Esau; ke adre me hwenyi ien Jekob: ke sikste hunai Isaaka hnyi ioi ʼdru.

²⁷ Ke ame hûhûö thö li da: ke ti metâ but Esau he ka hnu meno, e aten hnyot; ke haba Jekob, me, at ae menyik kʼ ame laba hnyi je uma mano.

²⁸ Ke Isaaka ame betenge ga Esau, anyin a e ame han utiö gan: ke Rebeka ame betenge ga Jekob.

²⁹ Ke Jekob ame öt an: ke Esau ame o but ûheny hnyot, kʼ a sënyin dut:

³⁰ me haingö Esau kö Jekob, ka habe, Haök ge tap ûnyi e ae dra; anyin a oge sënyin dut: waleling mʼ adre me hwenyi ien Edoma.

³¹ Me haingö Jekob, ka habe, Awe, ûcothö könya hanymen atö hnyi bong ang.

³² Me haingö Esau, ka habe, Wâ bi, oge me he but ang ka mok, ke hnân eû könya hanymen atö î

³³ Ke haingö Jekob, ka habe, Khemanyin thö könya hnyi bong ang; me e ame khemanyin kâu: me e ame ûco kö Jekob hanymen a atö.

³⁴ Ke Jekob ame ham kö Esau areto me je lentil adre ölâ; me e ame han me ic, me tot ka he but: ke waleling Esau ame hûkötiâ hanymen atö.