Genese 10 - Iaai Bible 1901 (New Caledonia)

¹ KE walang ta je dö anyin laku Noa, Sema, me Hama, me Jafeta: ke ödrin e hnokoâ lakudrin obaga hwaban dö uoû.

² Haba je laku Jafeta; Gomera, me Magog, me Madai, me Javana, me Tubala, me Meseka, me Tirasa.

³ Ke haba laku Gomera; Asekenaza, me Rifatha, me Togarema.

⁴ Ke haba laku Javana; Elisa, me Tasesa, me Kitim, me Dodanima.

⁵ Unyi gadrin adre me khenâ ta je bomeneiny ta je dökhu hnyi idrin je hnyei, hoton je ve hwen hodra; hoton anyidrin je lap, hnyi dökhudrin je dökhu.

⁶ Haba je laku Hama; Kuza, me Mizeraima, me Futa, me Kanana.

⁷ Ke haba je laku Kuza; Saba, me Havila, me Sabeta, me Rama, me Sabeteka: ke haba li laku Rama; Sheba, me Dedana.

⁸ Ke Kuza ame hnöku Nimeroda: e at ame hwân he ka hwege eang hmelen.

⁹ E at ae hwege he ka hnu ta je meno hnyi hnyimakö Iehova: waleling mʼ adre me ha, ka habe, Helâ me Nimeroda at hwege he ka hnu ta je meno hnyi hnyimakö Iehova.

¹⁰ Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

¹¹ E ame he but ûheny hnyi hnyei eling Asuria ai, me otilâ Nineve, me Rehoboth-Ir, me Kala,

¹² me Resen hnyi wanben Nineve me Kala (wale taun ae gan).

¹³ Ke Mizeraima ame hnöku Luda, me Anami, me Lehabi, me Nafetui,

¹⁴ me Patherusi, me Kaselui (ke ûnyi gan at Filisiti), me Kafetori.

¹⁵ Ke Kanana ame hnöku Zidona a atö, me Heth;

¹⁶ me at Jebusi, me Amora, me Girigasa;

¹⁷ me at Hivi, me Areki, me Sini;

¹⁸ me at Arevadi, me Zimari, me Hamath, ke hwaban dö e, adre oveseâ je lap anyi Kanaba.

¹⁹ Ke haba hnyigöulen at Kanana, me, ûheny Zidona, gethen ame he Gerara ai, ke ne o but Gaza: deny ka he Sodoma ai, me Gomora, me Adema, me Zeboim, ke ne o but Lasa.

²⁰ Wale je laku Hama, hoton anyidrin je ve lap, me je hwen gadrin hnyi idrin je hnyei, me dökhudrin je dökhu.

²¹ Ke Sema ame hnokoâ lakon, haba e kamen laku Heberu hia, ke liamekeiny me Jafeta a atö.

²² Haba laku Sema; Elama, me Asura, me Afasada, me Luda, me Arama.

²³ Ke haba laku Arama; Uza, me Huli, me Gethera, me Mase.

²⁴ Ke Afasada ame hnöku Sala; ke Sala ame hnöku Heberu.

²⁵ Ke Heberu ame hnokoâ lakon li baga; Pilege ien khaca; anyin adre khenâ hmeledrany hnyi bonginy ta je bong; ke Joketana ien liamekeiny më.

²⁶ Ke Joketana ame hnöku Alemodada, me Salefa, me Hazamaveta, me Jara;

²⁷ me Hadorama, me Uzala, me Dikela;

²⁸ me Obala, me Abimaela, me Sheba;

²⁹ me Ofira, me Havila, me Jobad; haba hnyat hia eling laku Joketana.

³⁰ Ke haba je hnyabadrin, me, hwân hnyi Mesa, gethen ka he Sefera ai, wale bucen e deiö.

³¹ Wale ta je laku Sema, hoton anyidrin je lap, me je hwen hodrin, hnyi je gadrin, hoton dökhudrin je dökhu.

³² Wale ta je lap anyin je laku Noa, hoton anyidrin je dö, hnyi dökhudrin je dökhu: ke ûnyi gadrin adre khenâ je dökha hnyi hmeledrany hwaban dö uoû.