Ezera 10 - Iaai Bible 1901 (New Caledonia)

¹ Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

² Ke haba Sekhania nöku Jehiela, ke nöku Elama, ame thu me ha kö Ezera, ka habe, Öhmun e hia but ânyâ hulo ka Khonguhmun, me hok laöiöhmun kanyua unyin aten je hnyei: ke so bi, walang ang, e hu hna gejon hnyi Isaraela hnyi ûnyi eling.

³ Ke walang ang, otin e he ka ânyâ ûhihinyköu me Khongutin he ka degec laôiöhmun me je lakudrin, helâ me hwâm hofuc than, me tavat adre me öbubuny ge hnanyibu anyin Khongutin; ke adre me he ka ânyâ hoton hnanyibu.

⁴ Todrö: anyin a hanymâm ûnyi ang, ke öhmun e he ka tha hiöbmun möu: hwege thö me ânyâ thö.

⁵ Me Ezera ame todrö me kunâ tavat bihut ae beönua, me at Levi, me at Isaraela hia, he ka khemanyin a ödrin e he ka ânyâ hoton hofuc ang. Me ödrin e khemanyin.

⁶ Me Ezera ame todrö hnyi hnyimakan uma umen Khong, me he ka hnyi hnyeule anyi Johanana nöku Eliasiba, ke hnyi ûen e ame o but, e ame ca han me ic: anyin a e ame tenge gadrin ge hulo anyin je bâ.

⁷ Ke ödrin e haimenenâ ka lakon je bâ hia thithö hnyi Juda me Jerusalema hia, he ka ûkhacaköu hnyi Jerusalema;

⁸ ke haba ödrin hia tavat adre me ne ca o hnyi kun ta bong, hoton hofuc hwan than me wahingat, adre me he ka ohia anyidrin ta je ûnyi hia, me oûsakâû ödrin me ûkhacaköu anyin hoûbâ.

⁹ Me haba at Juda me Beniamina hia ödrin e ûkhacaköu hnyi Jerusalema hnyi kun ta bong; ke tehi e a naininy, ke bong twenteiny tehi: ke haba tavat hia ödrin e laba hnyi dok ae lau hnyi hnyimakan uma umen Khong, me öbubuny can ûnyi eling, me can we ae gan.

¹⁰ Haba Ezera at bihut ame todrö me ha ködrin ka habe, Öbun e hia but monu, me hok momo kanyua, he ka bi hanen ka hulo anyin Isaraela.

¹¹ Ke walang ang omanenâ thö anyibûn hulo kö Iehova, Khongon lakamöbun, me ânyâ weny: me ûsâkâûʼ öbun me tavat aten hnyei, me je momo kanyua.

¹² Me ame thu ûkhacaköu hia me ha hwegiâ, ka habe, Helâ me hnâm hna ha gahmun hamöhmun he ka ânyâ helâe.

¹³ Ke se hia tavat, ke ûen we ae gan, ke ca khanʼ öhmun he ka tot eû hnyou, ke ca huliwa hnân khaca bong ame ne lo li bong: anyin ae gan hmâ hnyikonguhmun hnyi unyi ang.

¹⁴ E so adre me otilâ je tuhöhmun hobi kâu ûkhacaköu hia, ke ödrin e he hia thithö tavat adre hok momo kanyua hnyi anyihmun je lap ka he but hnyi ûen adre thu, ke tha e mödrin wahingatiny je taun, me tavat owisa, ke ne o but adre wia hmonyin anyin Khonguhmun gahmun hnyi unyi eling.

¹⁵ Ke haba Jonathana nöku Asael me Jahazia nöku Tikeva, ödru hwege hnyimaködru hnyi ûnyi eling: ke haba Mesulama me Sabethai a at Levi, ödru me tha hien mödru.

¹⁶ Ke haba je lakon hoûbâ adre me ânyâ helâ me hna ha. Ke adre oûsâkâûö Ezera at bihut, tha e me ke je kamen ae beönua, hoton je lap anyin je lakamödrin, ke adre hâiâ iödrin hia; ke ödrin e laba hnyi bong a bâniny tehi a teniny he ka elâm ûnyi eling.

¹⁷ Ke ödrin e umo ûhnö tavat hia thithö, tavat hoc momo kanyua hnyi bong a bâniny tehi a bân.

¹⁸ Ke ödrin e wâ ke je lakon tavat bihut, tavat hok momo kanyua: wale ke je laku Jesua nöku Jozadaka, me je liamekeiny mē, jia Maseia, me Eliezera, me Jarib, me Gedelia.

¹⁹ Ke ödrin e hai hnyamödrin a ödrin e he ka degec laöiödrin; kʼ ödrin e hulo but, me ödrin e hudo mamoe baga unyi hnyi hna hat meno, can anyidrin monu.

²⁰ Ke lo li laku Imer; wale Hanani me Zebadia.

²¹ Ke laku Harim; Maseia, me Elia, me Semaia, me Jehiela, me Uzia.

²² Ke laku Pasur: Elioenai, me Maseia, me Isamaela, me Nathaniela, me Jozabada, me Elasa.

²³ Ke haba at Levi; Jozabada, me Simei, me Kelaia (wale Kelita) me Pethaia, me Juda, me Eliezera.

²⁴ Ke haba at khumöng; Eliasiba: ke tavat tuö hwanuma; Saluma, me Telem, me Uri.

²⁵ Ke at Isaraela: haba laku Paros; Ramaia, me Iezia, me Malekia, me Miamin, me Eleazara, me Malekia, me Benaia.

²⁶ Ke laku Elama; Matania, me Zakaria, me Jehiela, me Abedi, me Jeremoth, me Elia.

²⁷ Ke laku Zatu; Elioenai, me Eliasiba, me Matania, me Jeremoth, me Zabad, me Aziza.

²⁸ Ke laku Bebai; Johanana, me Hanania, me Zabai, me Athelai.

²⁹ Ke haba laku Bani; Mesulama, me Maluka, me Adaia, me Jasuba, me Seal, me Bamoth.

³⁰ Ke haba laku Patha-moaba; Adena, me Kelal, me Benaia, me Maseia, me Matania, me Bezaleli, me Binui, me Manase.

³¹ Ke haba laku Harim; Eliezera, me Isia, me Malekia, me Samaia, me Simeona;

³² me Beniamina, me Maluka, me Semaria.

³³ Ke haba laku Hasum; Matenai, me Matathia, me Zabad, me Elifelet, me Jeremai, me Manase, me Simei.

³⁴ Ke haba laku Bani, Maadai, me Amerama, me Uel;

³⁵ me Benaia, me Bedeia, me Kelu;

³⁶ me Vania, me Meremoth, me Eliasiba;

³⁷ me Matania, me Matenai, me Jasau;

³⁸ me Bani, me Binui, me Simei;

³⁹ me Selemia, me Nathana, me Adaia;

⁴⁰ me Makenadebai, me Sasai, me Sarai;

⁴¹ me Azareela, me Selemia, me Semaria;

⁴² me Saluma, me Amaria, me Josefa.

⁴³ Ke haba laku Nebo; Jeiela, me Matathia, me Zabad, me Zebina, me Jadau, me Joela, me Benaia.

⁴⁴ Haba ödrin hia thithö ödrin e hok ta momo kanyua: ke hu lakon ke je momo.