Ezekiela 21 - Iaai Bible 1901 (New Caledonia)

¹ KE ame o but könya hofuc ho Iehova, ame ha, ka habe,

² Nokon at lö, hnyimâkâm dö Jerusalema ai, me fuc dö ka hnyi je dok ae kap, ke perofeta thö ûcon hnyei Isaraela;

³ me ha ka hnyei Isaraela, ka habe, Walang hna ha hnö Iehova, ka habe, Wâ bi, ve e inya möu, ke oge me he ka oc ut anyik hele vat ûnyi hnyi tangen, me subâ degecâ ûnyi gam at ae wisa me at ae kong.

⁴ Anyin a oge me he ka subâ degecâ gam at ae wisa me at ae kong, anyin a wale ame he ka he but anyik hele vat ûnyi hnyi tangen ûcon tavat hia thithö hwân hnyi hwaiöu ke ne o but ka hnyi hwadro:

⁵ ke ame he tavat hia thithö ka wâ a inya Iehova at ame oc ut anyik hele vat ûnyi hnyi tangen, ke e ame ca he bala bi ka hmetu.

⁶ Anyin a wale, nokon at lö, mâng ju; u me he ka mâng hnyi hnyimakodra ke hmetru but li jebalainom me hmak.

⁷ Ke ödra ka ha köu, ka habe, Anyin a ieû u me mâng? me u me he ka thu kodra, ka habe, Can je ûthumetu, anyin ame he jem: ke ame he ka köiö but ta je hnyok hia, ke ame he ka him ta je beny hia, ke ame he ka sënyin ta je hanu hia, ke ame he ka bwebwet ta je bouca hia helâ me köiö: wâ bi, e but ang, ke ame he ka hwâdâ, haingen Than Iehova.

⁸ Ke ame o but könya hofuc ho Iehova ame ha, ka habe,

⁹ Nokon at lö, perofeta thö, me ha, ka habe, Walang hna ha hnö Iehova, ka habe, Ha thö, ka habe, Hele vat, hele vat, a so but hwan, adre khet:

¹⁰ e so hwan me me hlingâ; adre khet e me me helâ me hucuce; hawa, ate me he ka senyin? haba uci anyin nokuk ame hûkotiâ ta je ûö hia.

¹¹ Ke adre ham e he ka khet me me hom hnen hnyam: ame so hwan hele vat, eke, adre khet e me ham ka hnyi hnyamen at ûhlingö.

¹² Nokon at lö, kuku thö, ke kuku tenge thö: anyin a e bi hon lakeik, e bi hon je taben Isaraela: adre hnʼ ödra ka hnyi hele vat tha ödra me lakeik: anyin a wale khaû thö jevam.

¹³ Anyin e hu ûcûbic; ke hawa, ame ne he ka hia but uci at ame hangâ? haingen Than Iehova.

¹⁴ Anyin a wale, nokon at lö, u me he ka perofeta me khaûkhaû li hnyamâm; ke so ame he ka olo hele vat hnyi ûen a kuniny, wale hele vat anyin tavat adre kot moko; e bi hele vat anyin at ae gan hmâ adre kot moko, wale ame dit ka hnyi je hnyeuledra.

¹⁵ Oge hia but ip obiny hele vat hnyi je homagöuledra hia, me me köiö but je hnyekudra me me osehia hnödra je hna haû: ekölö! adre ânyâ e helâ me hucuce, adre khet homakan e hnân ûhlingö.

¹⁶ Khaca ju öbun, he thö ka hnyi ke keihen metâ; tet metâ ju, he thö ka hnyi ke keihen me; hnyi dok u je hnyimâkâm ka hnyin.

¹⁷ Ke oge me he bi nya ka khaûkhaû li hnyamok, ke oge me he ka sekunâ anyik hmonyin: inya Iehova at ame ha.

¹⁸ Ke ame o but hmetu könya hofuc ho Iehova ame ha, ka habe,

¹⁹ Nokon at lö, u me he ka kû li gethen, me me o hele vat anyin than Babulona; lo li gethen ka he ûnyi hnyi hnyei a khaca: ke bi haten ju ke dok, bi haten e hnyi hwâniny gethen ka hnyi taun.

²⁰ U me he ka kû gethen me me o hele vat hnyi Raba anyin je laku Amona, me ka hnyi Juda hnyi Jerusalema adre up haginy.

²¹ Anyin ame tot than Babulona hnyi hnyivheden li gethen, wale hnyi hwâniny li gethen, he ka bi khong: e ame jijingâ je fana, e ame hnö je idola, kʼ ame wâ akiny.

²² E hnyi hnyamen a metân he ka bi khong ge Jerusalema, he ka ip je ûnyi vat hnân thö, he ka bi hwanumen hnân ûhlingö, he ka ohwegiâ hwakuku, he ka ip je ûnyi vat hnân thö hnyi je homagöule, he ka okhibö kânâ, me ok je tap tue.

²³ Ke haba e, me ame he ka helâ me hna bi khong ae thoi hnyi hnyimaködra bi, waleji adre hia but khemanyin kodra: ke e ame oûnykûmiâ hmetu hwakecin ae kong, mʼ adre hum ödra.

²⁴ Anyin a wale, haingen Than Iehova, ka habe, anyin a öbun e hia but oûnykûmiâ hmetu hwakecibun ae kong, ke manen do hnobun hna hanyâûâ, ke manen dö anyibun je hulo hnyi anyibun je huliwa hia; anyin adre me ûnykûmi öbun, awe, adre me he ka hum öbun ge hnyam.

²⁵ Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;

²⁶ me walang hna ha hnen Than Iehova, ka habe, Hom dö hnabinybak, ke hom dö korona gan: ame ca he ka tethmâ ûnyi ang: ogöranyâ thö ûnyi ae hnyikânâ, ke ohnyikânâ ju dok ae gorany.

²⁷ Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

²⁸ Ke haba u, nokon at lö, perofeta thö me ha, ka habe, Walang hna ha hnen Than Iehova ge je laku Amona, me hna haikongu ödra; ke u me he ka ha, ka habe, Hele vat, hele vat adre oc, adre khet me me ûhlingö, me me an, me me helâ me hucuce.

²⁹ Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

³⁰ Ohmeto e bi ka hnyi tangen. Oge me he ka owiso u hnyi dok adre up u hnyin, wale hnyei adre hnöku u hnyin.

³¹ Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.

³² U me he ka hnân hing utö ka hnyi meic; ame he drâm ka