Ezekiela 15 - Iaai Bible 1901 (New Caledonia)1 KE ame o but könya hofuc ho Iehova, ame ha, ka habe, 2 Nokon at lö, ieû ûnuainy vine hon ta je ûö hia wale anginy vine unyin ta je ûöiny hnyot hia? 3 Hawa, adre me he ka hom hnyiban ûtoiny hnân ânyâ ke huliwa? hawa, adre me he ka bi matalafi ûnyi gan hnân uhno ke ûnyi? 4 Wâ bi, adre me khûâ e ka hnyi meic hnân utö: ke haba meic ame an li hnyiban me thong wanben; hawa, e ûcû hnân ke huliwa? 5 Wâ bi, e ka tiga bekhot, me ame ca ûcû hnân huliwan: ke e ti ca ûcû hobi kâu ke huliwa e ka hia but meic an me thong. 6 Anyin a wale walang hna ha hnen Than Iehova, ka habe, Haba vine unyin ûöiny hnyot, me oge me hna hnân an meic, helâe oge me he ka hna aten Jerusalema. 7 Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra. 8 Ke oge me he ka ohia tavat, anyin adre hia but hanyâûâ, haingen Than Iehova. |
maintained by the British and Foreign Bible Society
Bible Society of the South Pacific