Ezekiela 10 - Iaai Bible 1901 (New Caledonia)

¹ KE oge me wâ, ke wâ bi, wale hnyi unyin ae lau hnyi hon ban je kerubi ame manen ethö hudrin helâke veto safairo, ame manen helâ me man ke theron.

² Ke e ame fuc ka at ame khavâ lino, me ha, ka habe, He thö ka hnyi wanben je waengen ame khenyi, wale hmelen kerubi, me ounöngötâ hnyamâm ge je walep ae möt ûnyi hnyi wanben je kerubi, me khûkhûâ ka hnyi taun. Me e ame he, ke oge me wâ.

³ Ke haba je kerubi ödrin e tot hnyi ke keihen metân uma, e ka didro at ka hnyin: ke unöngötö hnyeule eiö hnyin ge ûlâ.

⁴ Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

⁵ Ke adre me long hwan je Abenyin je kerubi ke ne o but hnyeule eû, helâ me ifucin Khong Aekhanahia, e ka fuc.

⁶ Ke hnyi ûen e ame hûna ka at ame khavâ lino, ka habe, Hom dö meic ûnyi hnyi wanben je waengen ame khenyi, hnyi wanben je kerubi, me e ame didro me tot hnyi baten ke waengen.

⁷ Ke haba kerubi ame inâ hnyamen ûnyi hnyi wanben je kerubi ka hnyi wanben meic a e hnyi wanben je kerubi, me aoc e, me ip hnyi hnyamen at ame khavâ lino, ke e ame hom me didrut mē.

⁸ Ke ame manen ge je kerubi helâ me hnyamen at hmelen je Abenyidrin.

⁹ Ke oge me wâ, ke wâ bi, vak ta waengen hnyi baten je kerubi, ke waengen hnyi baten ke kerubi, ke ke waengen hnyi baten ke kerubi: ke haba bongon je waengen me helâ me makan veto berulo.

¹⁰ Ke haba bongudrin, ödrin vak ae tha ûcû, helâke ke waengen hnyi hnyin ke waengen.

¹¹ Ödrin ka he ödrin e tha vheno vak ta ke keihödrin: ödrin e ca hwio ödrin ka he, ke haba dok ame hnyimakan ka hnyin je bodrin, ödrin e vheno e; ödrin e ca hwio ödrin ka he.

¹² Ke haba je unyidrin hia me je hotudrin, me je hnya-mödrin, me je Abenyidrin, me je waengen, e unöngötö ge je ecmak igigilo, wale je waengen unyidrin a vak.

¹³ Haba je waengen, adre me hawʼ ödrin, ke oge long e, a je waengen adre me okhenyö.

¹⁴ Ke ûsa vak je hnyimaködrin, hnyimakan kerubi ke hnyimak, ke hnyimakan at hnyimak a loiny, ke hnyimakan liona kuniny, ke hnyimakan aeto vakiny.

¹⁵ Ke ame ölö goranyai je kerubi: wale ûnyi ae möt, waleji oge wâ hnyi wagewe Kebara.

¹⁶ Ke hnyi ûen ame he je kerubi, me ame tha he mödrin je waengen, ke e ka ulolo je labenyidrin je kerubi he ka gâ göranyai ûhedrin ang; hmelen, me ame ca hwio bi je waengen unyidrin.

¹⁷ Odrin ka tot me ödrin e tot minya; ke ödrin ka olo göranyai me ödrin e he minya göranyai: anyin a e hnyi hnyidrin hanon ûnyi ae möt.

¹⁸ Me ame he but hmanenangi Iehova ûnyi hnyi hwanumen uma me laba hon je kerubi.

¹⁹ Haba je kerubi ödrin e lau göranyai je labenyidra me gâ göranyai ûhedrin ang hmelen, ke inya oge me wâ, ödrin ka he, me ka tha ödrin me je waengen: ke ödrin e tot hnyi homagouleny uma umö Iehova e jimeio; ke ʼthö hudrin hmanenanginy Khongu Isaraela.

²⁰ Wale ûnyi ae möt, waleji oge me wâ hmelen Khongu Isaraela hnyi wagewe Kebara; ke khanö nya but a ödrin je kerubi.

²¹ Usa vak je hnyimaködrin, ke ûsa vak Abenyidrin; ke helâ me hnyamen at hmelen je Abenyidrin.

²² Ke haba bongon je hnyimaködrin, je hnyimak waleji oge me wâ hnyi wagewe Kebara, wale bongudrin ke walödrin bi; ke ödrin e ve he hnyimaködrin wisa.