Esodo 40 - Iaai Bible 1901 (New Caledonia)

¹ HABA Iehova ame ha kö Mose, ka habe,

² U ma he ka otilâ uma mano hnân uma ûkhacaköu, hnyi bong a bâniny tehi a bân.

³ Ke u me he ka ip eiö hnyin tangen ohnatho, me söng tang ge mano adre uhno.

⁴ Ke u ma he ka hom laulau, me ip gaga ta je ûnyi hnân ip hon; ke u me he ka hom taben lamepa me vac je lamepainy.

⁵ Ke u me he ka ip hnyi hnyimakan tangen ohnatho taben gol hnân Ieû utö ae bo so, me uhno hlinginy hwanumen uma mano.

⁶ Ke u me he ka ip taben leû hut cicö hwanumen uma mano a uma ûkhacaköu.

⁷ Ke u me he ka ip taben soû wanben uma ûkhacaköu me taben hut, me hingâlâ köiö ka hnyin.

⁸ Ke u me he ka otilâ hak igigilö me uhno hlinginy homagöuleny hak.

⁹ Ke u me he ka hom wakaco hnân hû, me hû uma mano me ta je ûnyi hia eiö hnyin, ke u me he ka okabâ, me je omjehen hia thithö: kʼ ame he bi ka kap.

¹⁰ Ke u me he ka hû taben leû hut me je omjehen hia me okabâ taben hut: kʼ ame he ka ti kap taben bi hut.

¹¹ Ke u me be ka hû taben soû me can e, me okabâ e.

¹² Ke u me he ka hum Arona me je lakon ka hnyi hwanumen uma ûkhacaköu me osûʼ odrin ge köiö.

¹³ Ke u me he ka khaûö Arona ge je ûkhaû ae kap; me u me he ka hû e, me okabâ, me me at bihut könya.

¹⁴ Ke u me he ka hom je lakon me okhaû odrin ge je ûkhaû:

¹⁵ ke u me he ka hû odrin helâ me hnâm hna hû kamödrin, mʼ odrin e je at bihut könya: ke haba hna hû ödrin, me waleling me me hnyat bihut nyiele balua hnyi anyidrin ta je dö hia.

¹⁶ Haba Mose ame ânyâ helâe: hoton ta je hofuc hia a hûna Iehova kâu.

¹⁷ Ke haba hnyi tehi a bân hnyi huna a loiny, hnyi bong a bâniny tehi, adre me otilâ uma mano.

¹⁸ Haba Mose ame otilâ uma mano, me ohmâ je taben, me otilâ je esöiny, me inâ je venyâiny, me otilâ je khetepiny.

¹⁹ Ke e ame ulolo mano ethö hno uma, me ip tubwiny uma ethö hon e, helâ me hna hûna hnö Iehova ko Mose.

²⁰ Ke e ame hom me hitangen ûnyi hnân ohnatho hnyin tang, me inâ li venyâ hnyi tang, me ip taben ibetengiö ethö hon tang:

²¹ ke e ame odilâ tang hnyin uma mano, me uhno mano a singiny me söng tang ohnatho, helâ me hnö Iehova hna hûna kö Mose.

²² Ke e ame ip laulau hnyin uma ûkhacaköu, hnyi ke keihen uma mano ka hnyi hwadrö, hoton singiny.

²³ Ke e ame ip gaga je areto hon e hnyi hnyimakö Iehova; helâ me Iehova ame hûna kö Mose.

²⁴ Ke e ame ip taben lamepa hnyi uma ûkhacaköu cicö laulau hnyi ke keihen ka hnyi hwaiöu hnyi uma mano.

²⁵ Ke e ame vâc je lamepa hnyi hnyimakö Iehova; helâ me Iehova ame hûna kö Mose.

²⁶ Ke e ame ip taben hut a gol hnyi uma ûkhacaköu hnyi hnyimakan singiny:

²⁷ ke e ame le ûnyi ae bo so hon; helâ me Iehova ame hûna kö Mose.

²⁸ Ke e ame uhno hlinginy hwanumen uma mano.

²⁹ Ke e ame ip taben leû hut hnyi hwanumen uma mano a uma ûkhacaköu, me hudo hon e je hut adre le, me hudiny han; helâ me Iehova ame hûna kö Mose.

³⁰ Ke e ame ip taben sou hnyi wanben uma ûkhacaköu me taben hut, me hingölö köiö hnân soû.

³¹ Ke haba Mose me Arona me je lakon odrin e hinyem me osûâ je cadrin eling;

³² odrin ka didrö ka hnyi uma ûkhacaköu, me hakekenyâ taben bihut, odrin e me soû; helâ me hna hûna hnö Iehova kö Mose.

³³ Ke e ame otilâ hak igigilö uma mano, me taben hut, me uhno hlinginy homagöule. Helâe Mose ame umo huliwa.

³⁴ Me haba ûlâ ame tube uma ûkhacaköu, ke haba hmanenangi Iehova ame ounöngötâ uma mano.

³⁵ Ke ca hanö Mose he ka didrö ka hnyi uma ûkhacaköu, anyin a laba ûlâ hon, kʼ ame ounöngötâ uma mano ge hmanenangi Iehova.

³⁶ Ke adre mo hom dö ûlâ ûheny hon uma mano, me haba lakon Isaraela adre me he, hnyi anyidra je bunyen;

³⁷ ke adre ne ca hom goranyai ûlâ, me ame ca he lakon Isaraela, ke ne o but adre me hom e goranyai.

³⁸ Haba ûlâ anyi Iehova ame laba hon uma mano hnyi lany, ke meic hnyi lit, hnyi hnyimakan lap hia anyin at Isaraela, hnyi anyidra je bunyen hia.