Esodo 36 - Iaai Bible 1901 (New Caledonia)

¹ KE ame he Bezaleli, me Aholiaba, me tavat hia adre me hnyok metâ he ka huliwa wale hnö Iehova hna ometâ me wâhmakhmeto, me okhana he ka ânyâ ta je huliwa hia hnân hobi kâu dok ae kap, helâ me ta je ûnyi hia a hûna Iehova.

² Ke Mose ame hao Bezaleli, me Aholiaba, me tavat hia adre me hnyok metâ, waleji hnö Iehova hna ometâ hnyok, me odra hia wale a ûjongi ödra hnen je hnyekudra he ka he ka hnyi huliwa he ka ânyâ e;

³ ke ödrin e kap ta je bwihlany hia ûnyi ga Mose, waleji hnen lakon Isaraela hna hom hobi kâu huliwa hnyi dok ae kap, he ka huliwan. Ke adre me hom bala je bwihlany ibetengiö hnyi je hnyomakatu.

⁴ Ke haba tavat ae metâ hia, wale hnyat a ânyâ ta je huliwa hia hobi kâu dok ae kap, ödrin e o ûnyi hnyi anyidrin ta je huliwa wale odrin e ve ânyâ;

⁵ ke haingödrin kö Mose ka habe, E gan, ke a kölu ju ta je ûnyi a hom tavat hobi kâu huliwa a hûna Iehova he ka ânyâ.

⁶ Ke haba Mose ame hûna kʼ adre omanenâ hnyi je ke keihen hna hunuma hia, ka habe, Ca he hmetu ke baga me momo ka bi huliwa hnân bwihlany hobi kâu dok ae kap. Me ame um ju tavat he ka hom.

⁷ Anyin ae ûcû but ta je ûnyi hobi kâu huliwa he ka ânyâ, ke hu kolon biju.

⁸ Ke haba tavat hia adre me hnyok metâ unyin tavat huliwa, ödrin e ânyâ uma mano me ten tubwiny; wale lino ae ûhnyûkong nân adre seveny, me udrudrâ, me udrudrâ hlit, me dra vec, me je kerubi huliwanen at ae metâ, adre me ânyâ.

⁹ Ke haba ibeûen je tubwiny, me ûsa twente eit je kubit, ke ûsa foa kubit ûlauen je tubwiny; khaca tulutiny je tubwiny hia.

¹⁰ Ke e ame ûohmâköuâ je tubwiny a faiv, wale ke at me ke at: ke ome ûohmâköuâ ke je tubwiny a faiv.

¹¹ Ke e ame ânyâ hnyimen je hnewe ae udrudrâ hnyi baten ke tubwiny hnyi hna ohmâ: ke ame ânyâ helâe hnyi haten ke tubwiny ethö hon hnyi hna ohmâ ke at.

¹² Fifte hnyimen je hnewe e ame ânyâ hnyi ke tubwiny, ke fifte minya hnyimen je hnewe e ame ânyâ hnyi baten ke tubwiny hnyi hna ohmâ tubwiny a loiny: me me he hnyimen je hnewe ka ûcû.

¹³ Ke e ame ânyâ je bâlet gol a fifte, me ûseûköuâ je tubwiny hnen je bâlet: me me khaca uma mano.

¹⁴ Ke e ame ânyâ je tubwiny a leûnen got hnân tube hon uma mano: eleven je tubwiny e ame ânyâ.

¹⁵ Ke haba ibeûen je tubwiny, usa thöte je kubit, ke usa vak kubit ûlauen je tubwiny hia; ke khaca tulut hobi kâu je tubwiny a eleven.

¹⁶ Ke e ame ûohmâköuâ je tubwiny a thabûng, me je tubwiny a siks.

¹⁷ Ke e ame ânyâ hnyimen je hnewe a fifte hnyi baten ke tubwiny ethö hon, hnyi hna ohmâ, ke fifte minya hnyimen je hnewe e ame ânyâ hnyi baten ke tubwiny, hnyi hna ohmâ tubwiny a loiny.

¹⁸ Ke e ame ânyâ fifte ta je bâlet bras, me me ûohmâköuâ uma me me khaca thibi.

¹⁹ Ke e ame ânyâ ke tubwiny uma ge unen mamoe baga adre wia e me dra, me ke tubwiny a unen takasa ethö hon.

²⁰ Ke e ame ânyâ je esöiny uma mano a utö öhum, wale ame tot wisa.

²¹ Ke ûsa ten kubit ibeûen je esö, ke khaca kubit me haf ûlauen je esö.

²² Ke ûsa lo can je esö hnân dit, ke e ame ânyâ helâe hobi kâu je esöiny uma mano hia.

²³ Ke e ame ânyâ je esö hobi kâu uma mano; twente je esö hnân ke keihen ka hnyi hwaiöu:

²⁴ ke e ame ânyâ fâte je taben a sileva eû hmelen je esö a twente; lo li taben hmelen ke esö hobi kâu ke li can e, ke lo li taben minya hmelen ke esö hobi kâu li can e.

²⁵ Ke twente je esö e ame ânyâ hobi kâu uma mano hnyi ke keihen ka hnyi hwadrö,

²⁶ ke fâte je taben e a sileva; lo li taben hmelen ke esö, ke lo li taben minya hmelen ke esö.

²⁷ Ke e ame ânyâ je esö a siks hobi kâu hnyaumainy uma mano e jio.

²⁸ Ke e ame ânyâ lo li esö hobi kâu hnyaumainy uma mano hnyi li kopiny.

²⁹ Ke adre me thu hwetö me me lo eû, ke adre me ûohmâköuâ ethö hon ke otru, ke e ame ânyâ helâe ka li at a lo hnyi li kop.

³⁰ Ke e hu eit je esö me je taben sileva a sikstin, ûsa lo li taben hmelen je esö.

³¹ Ke e ame ânyâ je venyâ a utö öhum: thabûng hobi kâu je esö hnyi ke keihen uma mano,

³² ke thabûng je venyâ minya hobi kâu je esö hnyi ke keihen uma mano, ke thabûng minya je venyâ hobi kâu je esö hnyi hnyaumainy uma mano e jio.

³³ Ke e ame inâ je venyâ hnyi wanben je esö hwân hnyi ke keihen, ke ne o but ka hnyi ke keihen.

³⁴ Ke e ame tube je esö ge gol, me e ame ânyâ je otruiny gol, hnân inâ hnyin je venyâ, ke e ame tube je venyâ ge gol.

³⁵ Ke e ame ânyâ singiny ae udrudrâ, me udrudrâ hlit, me dre vec, me lino ae ûhnyûkong nân adre seveny: me e ame ânyâ hnyin e je kerubi a huliwan at ae metâ.

³⁶ Ke e ame ânyâ hobi kâu e vak ta khetep a öhum, me tube ge gol: me je bâletiny a gol: ke e ame le hobi kâu e vak ta taben sileva.

³⁷ Ke e ame ânyâ ke singiny ae udrudrâ hobi kâu hwanumen uma, me udrudrâ hlit, me dra vec, me me mano lino ae ûhnyûkong nân adre seveny, a huliwan at omecâ mano;

³⁸ me je khetepiny a faiv me je bâletiny a faiv: ke e ame tube je bân me je venyâ ge gol: ke bras je taben a thabûng.