Esodo 29 - Iaai Bible 1901 (New Caledonia)

¹ KE walang ûnyi u me he ka ânyâ ködrin he ka okabi odrin hnân he ka huliwa könya hnyi hanymen at bihut: hom dö nak bolok a khaca me lo li mamoe baga ae ba hnyikongon,

² me areto adre ca levenâ bi, me je ong areto adre ca levenâ kʼ adre ûthueniken me wakaco, me je ong areto ae halelöû adre ca levenâ kʼ adre khinö wakacoiny: u me he ka ânyâ ge falawainy hwit adre omomono wia.

³ Ke u me he ka tha hitangen, me hom hnyi tangen, me bolok me li mamoe baga.

⁴ Ke haba Arona me je lakon u me he ka hum ödrin ka hnyi hwanumen uma hnân ûkhaeaköu, ke u me he ka osûʼ ödrin ge köiö.

⁵ Ke u me he ka hom je ûkhaû, me okhaûö Arona ge ûkot me khaûen ae beû hanen iefoda, me iefoda, me tubwiny ûlainy, ke u me he ka oweikâ e ge wen iefoda adre hwâwâ metâ:

⁶ ke u me he ka obicâ ge hnabinybak, me ip korona ae kap hon hnabinybak.

⁷ Me u me he ka hom wakaco hnân hû, me hingâlâ hon bân me hû.

⁸ Ke u me he ka hom je lakon me okhaûʼ ödrin ge je ukot.

⁹ Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

¹⁰ Ke u me he ka hom bolok ka hnyi hnyimakan uma hnân ûkhaeaköu: kʼ ame he Arona me je lakon ka ip je hnyamödrin hon bân bolok.

¹¹ Ke u me he ka hlingâ bolok hnyi hnyimakö Iehova hnyi hwanumen uma hnân ûkhaeaköu.

¹² Ke u me he ka hom ke keihen dren bolok me kina hon je baitoiny taben hut hnen banyâm; ke u me he ka hingâlâ kolon dra hia hnyi hmelen taben hut.

¹³ Ke u me be ka hom hia pipikhenyainy wale ame lan tang tiny, me ûnyi ae lau hon akiny, me li vagien me pipikhenyainy, ke u me he ka le hon taben hut.

¹⁴ Ke haba utiöiny bolok, me unen, me ta tet, u me he ka le hnyi meic hoton hna hunuma; wale hudiny hulö.

¹⁵ Ke u me he ka hom ke mamoeʼ baga a khaca; kʼ ame he Arona me je lakon ka ip je hnyamödrin hon bân mamoe baga.

¹⁶ Ke u me he ka hlingâ mamoe baga, me hom dren, me dukâiâ hon taben hut igigilö.

¹⁷ Ke u me he ka susubâ mamoe baga me hneû tang tiny, me je can, me tha ip ta je ûnyi e me je hnyiban, me bân.

¹⁸ Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

¹⁹ Ke u me he ka hom ke mamoe baga a khaca, kʼ ame he Arona me je lakon ka ip je hnyamödrin hon ban mamoe baga.

²⁰ Ke u me he ka hlingâ mamoe baga me hom ke keihen dren me kina hnyi boûlölöven hnyikönyö Arona a metân, me hnyi boûlölöven je hnyikönyen lakon Arona a metâ, me je bahnyökveto gadrin a metâ, me je bacan gadrin a metâ, me dukâiâ hon taben hut igigilö e ge dra.

²¹ Ke u me he ka hom ke keihen dra ûnyi hnyi hon taben hut, me wakaco hnân hû, me duköic Arona, me je ûkhaûen, me je lakon, me je khaûen lakon unyin: ke adre me he ka okabâ, me je ûkhaûen me je ûkhaûen lakon unyin.

²² Ke u me he ka hom pipikhenyainy mamoe baga, me obiny ae pipikhenya, me pipikhenya wale ame lan tang tiny, me ûnyi ae lau hon akiny, me li wagien me pipikhenyainy, me jevan a metâ; anyin a wale mamoe baga hnân okabâ:

²³ ke khaca areto, me khaca ong areto adre bi wakacoiny, ke khaca ong areto ae halelöû, ûnyi hnyi tang areto adre ca levenâ a e hnyi hnyimakö Iehova:

²⁴ ke u me he ka ip hia hon li hnyamö Arona, me je hnyamen je lakon; ke u me he ka hajijingâ e hnân hudiny adre hajijingâ hnyi hnyimakö Iehova.

²⁵ Ke u me he ka hom je ûnyi e ûnyi hnyi je hnyamödrin, me le hon taben hut hnân hut adre le, e me bo so hnyi hnyimakö Iehova.

²⁶ Ke u me he ka hom ûlainy mamoe baga wale hnân okabâ anyi Arona, me hajijingâ hnân hut adre hajijingâ hnyi hnyimakö Iehova.

²⁷ Ke u me he ka okabâ ûlainy hut adre hajijingâ, me jevan wale hut adre kap goranyai, wale at adre hajijingâ me kap goranyai, wale ec mamoe baga hnân uhotilâ, wale hobi kö Arona me lakon:

²⁸ ke wale jekhö Arona me lakon unyin lakon Isaraela nyiele balua: anyin a e hut adre kap goranyai: ke ame he ka hnân hut adre kap goranyai unyin lakon Isaraela ûnyi hnyi anyidrin je hudiny ûsoköu, wale anyidra hut adre kap goranyai kö Iehova.

²⁹ Ke haba je ûkhaû ae kap anyi Arona ame he ka hnân hobi kâu biju lakon hwaban, hnân hû me otilʼ ödrin hnyin.

³⁰ Ke hamen nokon wale at ame bihut a hwaban, he ka khavâ e hnyi je bong a seven, e ka didrö ka hnyi uma hnân ûkhaeaköu he ka huliwa hnyi dok ae kap.

³¹ Ke u me he ka hom mamoe baga wale hnân uhotilâ, me ölâ utiöiny hnyi ke dok ae kap.

³² Kʼ ame he Arona me lakon ka an utiöiny mamoe baga, tha e me areto ûnyi hnyi tangen, hnyi hwanumen ûma ûkhacaköu.

³³ Kʼ ödrin e he ka han ta je ûnyi wale adre bi hwaban möt kâu, hnân uhotilâ me okabi ödrin: ke ame ca he atkanyua ka hnyi han, anyin ae kap.

³⁴ Ke a ne hu kolon meno wale hnân uhotilâ me areto hnyi hnyomakatu, u me he ka le kolon ge meic: adre me ca he ka an e, anyin ae kap.

³⁵ Ke u me he ka ânyâ hia kö Arona me je lakon helâ me hnök hna hûna köu: seven ta je bong u me he ka otilʼ odrin.

³⁶ Ke u me he ka hudo bolok hnyi ke bong me ke bong hnân hudiny hwakecin ae monu me hwaban möt: ke u me he ka ânyâwia taben hut, u ka hia but bi hwaban möt hon; ke u me he ka hû me okabâ.

³⁷ Seven ta bong u me he ka bi hwaban möt hon taben hut, me okabâ: kʼ ame he ka ti kap taben hut; kʼ ame he ka kap ta je ûnyi hia ame kâlâ taben hut.

³⁸ Ke walang ûnyi u me he ka hudo hon taben hut, a lo li lakon mamoe a khaca hunainy hnyi ta ogo bong hia.

³⁹ U me he ka hudo ke nokon mamoe hnyi hnyomakatu, ke u me he ka hudö ke nokon mamoe hnyi sahac:

⁴⁰ ke haba ke keihen a libenyitainy bath salawa adre ûhaniken me tap wakaco adre kokot a ke keihen a vakiny hin; me tap waina minya a ke keihen a vakiny hin hnân hudiny ic, tha e me nokon mamoe.

⁴¹ Ke haba ke mamoe u me he ka hudo hnyi sahac me ânyâ hobi kâu helâ me hudiny han hnyi hnyomakatu, me helâ me hudiny ic, me me bo so, wale hut a an hnen meic kö Iehova.

⁴² Haba hut adre le ame he ka e bala hnyi anyibun je dö hnyi hwanumen uma ûkhacaköu hnyi hnyimakö Iehova: ke oge me he ka iouny möbun eling, me fuc köu eling.

⁴³ Ke oge me he ka iouny me lakon Isaraela eling; kʼ ame he ka okabâ hnen soik.

⁴⁴ Ke oge me he ka okabâ uma ûkhacaköu, me taben hut, ke oge me he ka okabi Arona me lakon, mʼ odrin e hnyat bihut könya.

⁴⁵ Ke oge me he ka laba hnyi wanben lakon Isaraela, mʼ oge me he ka Khongudrin.

⁴⁶ Kʼ ame he ka khanʼ odra a inya Iehova Khongudrin, waleji ame hum odra ûnyi hnyi hnyei Aigupito, mʼ inye he ka laba wanbödra. Inya Iehova Khongudrin.