Esodo 27 - Iaai Bible 1901 (New Caledonia)

¹ KE u me he ka tibet taben bihut a utö öhum, faiv je kubit ibeûen, ke faiv kubit ûlauen; ke khaca tulut vak ta baten taben bihut: ke kun ta kubit ibeûen goranyai.

² Ke u me he ka ânyâ je baitoiny hnyi vak ta baten, haba je baitoiny me khaca me unyin: ke u me he ka khavâ ge bras.

³ Ke u me he ka ânyâ je taben hnabadröuiny, me je soi, me je kaiainy, me je bâletiny hnân sēû utiö, me je taben meic, u me he ka ânyâ je taben hia a bras.

⁴ Ke u me he ka ânyâ hobi kâu echigic a bras helâ me boert; ke u me he ka ânyâ hon boert je otru bras a vak hnyi je baten a vak.

⁵ Ke u me he ka ip ûnyi e eû hmelen baten taben bihut hnyikânâi, me me he ka uhni boert hnyi wanben taben bihut.

⁶ Ke u me he ka ânyâ ke li venyâ hobi kâu taben bihut, a li öhum, me khavâ ge bras.

⁷ Ke adre me he ka inâ li venyâ hnyi hnyin je otru, kʼ ame he ka hnen li venyâ hnyi li haten taben bihut, mʼ adre me vadren.

⁸ U me he ka tibet esöiny me olanyâ hnyin: adre me he ka ânyâ helâ me hna omanenâ köu hon bucen.

⁹ Ke u me he ka bi haginy uma mano; haba hnyi ke keihen ka hnyi hwaiöu adre me he ka uhno mano lino ae ûhnyûkong nân adre seveny hnân hak, a khaca haded je kubit ibeûen hnyi ke keihen a khaca:

¹⁰ ke twente je khetepiny, me je taben bras a twente hobi kâu, kʼ ame he ka sileva je bâletiny je khetep, me je venyâ.

¹¹ Ke helâe ibeûen hnyi ke keihen ka hnyi hwadrö, khaca haded kubit ibeûen mano adre uhno, kʼ ame he ka bras je khetepiny a twente, me je taben a twente; kʼ ame he ka sileva je bâletiny je khetep me je venyâ.

¹² Ke haba hnân ûlauen hak hnyi ke keihen e jio adre me he ka uhni mano fifte kubit; kʼ ame he ka ten je khetepiny, ke ten minya je taben.

¹³ Ke ame he ka fifte kubit ûlauen hak hnyi ke keihen e deiö.

¹⁴ Ke adre me he ka uhno mano fiftin kubit hnyi ke keihen homagöule: kʼ ame he ka kun ta khetepiny, ke kun minya ta taben.

¹⁵ Ke haba hnyi ke keihen adre me he ka uhno mano fiftin kubit, ke kun ta khetep, ke kun ta taben.

¹⁶ Ke twente kubit mano ame he ka uhni hnân hlinginy homagöule, ame he ka udrudrâ, me udrudrâ hlit, me dra vec, me lino ae ûhnyûkong nân adre seven, a huliwan ge hnyat omecâ mano: ke vak ta khetepiny, ke vak ta taben.

¹⁷ Ke adre me he ka vhenyâ je khetep hia igigilö hak ge je vhenyâ sileva; ke sileva je bâletiny, ke bras je taben.

¹⁸ Ke ame he ka khaca haded kubit ibeûen hak, ke fifte kubit ûlauen, ke thabûng ta kubit ibeûen goranyai, a mano lino ae ûhnyûkong nân adre seven, ke bras je taben.

¹⁹ Ame he ka bras hia je ûnyi hnyi uma mano, hnân hobi kâu je huliwa hia thithö, me je faoiny hia, me je faoiny hia hnyi hak.

²⁰ Ke u me he ka hûna ka lakon Isaraela he ka hom köu wakaco elaio ae alai adre kokot hnân umumelam, me me möt bala lamepa.

²¹ Ame he Arona me je lakon ka ânyâwia e hwân hnyi sahac ke ne o but hnyomakatu, hnyi hnyimakö Iehova, hnyi uma ûkhacaköu, hnyi ke keihen deiö singiny ûnyi hnân ohnatho: ame he ka tot hnân hnanyibu ûnyi eling nyiele balua hnyi anyidra ta je dö hobi kâu lakon Isaraela.