Esodo 20 - Iaai Bible 1901 (New Caledonia)

¹ KE haba Khong ame ha ta je hofuc hia eang, ka habe,

² Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

³ U ma ca he ka hu ke je khong hnyi hnyimakök.

⁴ U ma ca he ka bi hnatheat hobi köu, me oûco ke ûnyi ethö hnyi drany me eang hmelen, me hnyi köiö hmelen hnyei:

⁵ u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

⁶ ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

⁷ U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

⁸ Ûnykûme ju bong sabath he ka okâbâ.

⁹ Siks ta bong u ma he ka huliwa hnyin, me ânyâ je hûdrâm hia:

¹⁰ ke haba bong a seveniny, wale sabath anyi Iehova a Khongom: e ba huliwa u ma he ka ânyâ hnyin, u, me nokom baga, me nokom hlu, me athnyabaem baga, me momo, me halem meno, me atkanyua unyâm hnyi je homagöulem:

¹¹ anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

¹² Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

¹³ U ca he ka ûhlingö.

¹⁴ U ca he ka bi ûnyi monu.

¹⁵ U ca he ka venöu.

¹⁶ U ca he ka bi fuco thoiâ ke at.

¹⁷ U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

¹⁸ Ke haba tavat hia adre me wâ hendreng, me hucucu, me meainy trutru, me bucen ame sâ: ke a wâ but tavat me adre me öbubuny me tot sâkâû.

¹⁹ Kʼ adre me ha kö Mose, ka habe, Ûhnenamö möhmun kʼ ohmun e he ka löng: ke ca he Khong ka fuc köhmun wâ ohmun nye mokcu.

²⁰ Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

²¹ Ke ame tot sâkâû tavat, ke Mose ame hakekenyâ menekholom ae khöt wale ame laba hnyin Khong.

²² Ke haba Iehova ame ha kö Mose, ka habe, Walang hofuc u ma he ka ha ka lakon Isaraela, ka habe, Öbun e wâ but a oge hia but ûhnenamö möbun ûnyi hnyi drany.

²³ Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

²⁴ U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

²⁵ Ke u je ne he ka otilâ taben hut a veto hobi könya, u ma ca he ka op e ge je veto adre delâ: anyin a u je ne inâ ânyâm ûnyi huliwa hon, me u je he ka okongoâ.

²⁶ Ke u ca he ka bi wacûat hnân ölö ka hnyi anyik taben hut, wâ e nye manen unyâm ethö hon.