Esetera 4 - Iaai Bible 1901 (New Caledonia)

¹ KE a wâ but Modikai ta je ûnyi hia thithö adre ânyâ, haba Modikai ame kia anyin je ûkhaû, me khavâ ec mano ae gan nân, me botru dröu, me he hnyi wanben taun, me fuc hwege goranyai me tenge:

² ke e ame o but hnyi hnyimakan homagouleny than: anyin ame ca he ka delec homagouleny than at ame khavâ ec mano ae gan nân.

³ Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

⁴ Haba je hlu anyi Esetera me anyin je eunuka ödrin e o me thumeto e; me ame hlöuhlöu gan hmâ momo than; me e ame ûkhûnöngâ je ûkhaû he ka khaûö Modikai, me hom ûnyi gan mano ae gan ʼnân: ke e ame ca kap.

⁵ Me Esetera ame hawo Hatak, ke eunuka anyin than, wale e ame otilâ hobi kâu, me bi hofuc kö Modikai he ka wâ ieû ang, ke ieû bongon.

⁶ Haba Hatak ame he kö Modikai ka hnyi dok ae lau hnyi taun, cicö homagouleny than.

⁷ Me Modikai ame thumeto e ge ta je ûnyi hia ame o kâu, me ûganiny mone a ha Hamana he ka ip hnyi uma omjeû anyin than ûnyi ge at Juda, he ka ohiʼ ödrin.

⁸ Ke e ame ham kâu tusi hnanyibu adre me oc, wale adre me omanenâ hnyi Susani, he ka ohiʼ ödrin, mʼ adre me omanenâ kö Esetera, me thumeto e; me hûna kâu he ka he ka than he ka khöû kâu me sumâtâ aten iny hnyei hnyi hnyimakan.

⁹ Ke haba Hatak ame he me thumetu Esetera ge hofuc ho Modikai.

¹⁰ Me haba Esetera ame ha kö Hatak, me bi hofuc kö Modikai, ka habe;

¹¹ E khana but lathnyabainy than, me aten je ke keihen hnyei iny than, a haba hnyat hia obaga me omomo, adre me ne he ka than hnyi hnyeule eio, kʼ adre me ca hawâ, me khaca thibi hnanyibu ködrin a gʼ adre me he ka hlingʼ ödrin ke so at ame he than ka inâ kâu uci gol, me me möt bi: ke adre me ca hawo nya he ka he ka than hnyi je bong a thote.

¹² Me adre me thumetu Modikai ge hofuc ho Esetera.

¹³ Me Modikai ame ha he ka thu kö Esetera, ka habe, Ca he ka ûnykûme hnyi hnyekom a gʼ ame he ka mok hia at Juda, ke u ma he biju ka möt hnyi uma umen than.

¹⁴ Anyin a u je ne laba hnyibû hnyi ûen ang, me ame he ka hu menâ me möt ka at Juda ûnyi hnyi ke dok bi, ke haba u, me lap anyin kâmâm, me, adre me he ka ohia hia: ke khanö ia, hawa, ame ne o but köu dokhu hnân hobi kâu ûen helâng?

¹⁵ Me haba Esetera ame ha he ka thu kö Modikai, ka habe,

¹⁶ He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

¹⁷ Ke haba Modikai ame he but, me ânyâ hia helâ me hna hûna hnö Esetera.