Esetera 2 - Iaai Bible 1901 (New Caledonia)

¹ HWABAN ta je ûnyi eling kʼ ame hia but hmonyin anyi Asueru than, me e ame ûnykûmi Vaseti, me ûnyi e ame ânyâ, me hna owisa kâu.

² Me haingen lathnyabainy than, a hnyat huliwa kâu, ka habe, E so adre me elâm hobi kâu than wahlu ae hmanenang:

³ ke so ame he than ka otilâ je taben hnyi je ke keihen hia dokhon dokhu, mʼ adre me ûkhacaköua wahlu ae hmanenang hnyi Susani hnyaban than, hnyi uma umen omomo, unyi Hege eunuka anyin than, at ame tuö omomo; kʼ adre ma ham ködrin ta je ûnyi hnân obosoâ:

⁴ me haba hlu ae so ka than ame he ka momo than hwabö Vaseti. Ke so hofuc e ka than; me ame ânyâ helâe.

⁵ Ke wale ke at Juda hnyi Susani hnyaban than, Modikai ien, nöku Jaira, nöku Simei, nöku Kiso, at Beniamina;

⁶ a at adre me hom ûheny Jerusalema tha e me je bâ, waleji adre tha hom me Jekonia than Juda, a hom Nebukaneza than Babulona.

⁷ Ke e ame hat Hadasa, wale Esetera, a nokon liamekeiny me kamen; anyin ae ba kamen me hinyen, ke hlu ae so hnyimakan ke hmanenang; haba Modikai ame hom e me me nokon bi hnyi ûen ame mokcu kamen me hinyen.

⁸ Ke adre me long hofuc hwan than me anyin hnanyibu, kʼ adre me ûkhacaköuâ wahlu ae se hia hnyi Susani hnyaban than unyi Hege, me adre me hum Esetera minya ka hnyi uma umen than, unyi Hege, at ame tuö omomo.

⁹ Kʼ ame so hlu eling, me e ame betenge gan; ke e ame ie ham kâu ta je ûnyi hnân obosoâ, me je jekhon, me seven ta hlu adre me ûca hnân hobi kâu bi, ûnyi hnyi uma umen than: kʼ ame hna e me anyin je hlu ka hnyi dok ae so hnyi uma umen omomo.

¹⁰ Ke haba Esetera ame ca omanenâ ge iny hnyei me je lahanen, anyin a Modikai ame hûna kâu a e ame ca he ka omanenâ.

¹¹ Ke haba Modikai ame ngenu hnyi je bong hia hnyi hnyimakan hnyeuleny uma umen omomo, he ka wâ hawa ga Esetera, ke ieû adre me be ka ânyâ kâu.

¹² Ke a o but ûen je hlu he ka ve he kö Asueru than, hwaban twelv ta tehi adre me ânyâ kâu hnyin hoton hnanyibu ge omomo, (anyin adre me ohwâdâ ta je bong bongon obosoi ödrin, a siks ta tehi ge wakaco muro, ke siks ta tehi ge je ûnyi ae bo so, me ke je ûnyi hnân obosoâ omomo,)

¹³ ke walang bongon ame he je hlu ka than, adre me ham ködrin ta je ûnyi hia a wedrin he ka hom ûnyi hnyi uma umen than.

¹⁴ Ödrin e he hnyi sahac me hmetu hnyi hnyomakatu ka hnyi uma umen je momo a loiny, unyi Sasegaz eunuka anyin than, at ame tuö anyin omomo: ödrin e ca he ka hmetu ka than ame ne ca senyin ködrin than, me hawʼ ödrin ge iödrin bi.

¹⁵ Ke ame o but ûö Esetera, nöku Abihaila, liamekeiny me kamö Modikai, at a hom e me me nokon, he ka he ka than, me haba hlu eling ame ca weny bi ke ûnyi, ke so bi hna ha thibi hnö Hege eunuka anyin than, at ame tuö je momo. Ke ame so Esetera hnyi hnyimakan tavat hia adre me wâ e.

¹⁶ Ke adre me hum Esetera kö Asueru than ka hnyi uma umen than hnyi tehi a teniny, wale tehi Tebeth, hnyi huna a seveniny anyin musi.

¹⁷ Ke haba than ame weny Esetera hon je momo hia, ke e gan hmâ hnen hna betenge gan, ke e ame weny e hon je hlu hia thithö; me e ame obicâ e ge korona anyin than, me hom e hnân momo than hwabö Vaseti.

¹⁸ Me haba than ame ânyâ bijeû ae gan hmâ hobi kâu anyin! je taben, me lathnyabainy, bijeû e anyi I Esetera; ke e ame hna he ka menâ, hnyi je ke keihen hnyei, me ham je bwihlany, hoton betenge anyin than.

¹⁹ Ke haba Modikai ame laba hnyi homagouleny than hnyi ûen a loiny adre ûkhacaköuâ wahlu.

²⁰ E tiga ca um bi Esetera omanenâ je lahanen me iny hnyei; helâ me hna hûna kâu ga Modikai: anyin a Esetera ame ânyâ hna ha hnö Modikai helâ me ûen adre me hat hnyin.

²¹ Ke haba hnyi je bong e waleji ame laba Modikai hnyi homagöuleny than, me ame hmönyi Bigethan me Teres li eunuka anyin than hanen tavat tuö hwanuma, me ödru me heleû deny he ka hlingö Asueru than.

²² Ke ame manen dut ûnyi eling kö Modikai, me e ame thumetu Esetera, momo than; ke haba Esetera ame thumeto than ûnyi hnyi iö Modikai.

²³ Ke haba hnyi ûen adre me uhno ûnyi eling, ke adre me wâhmakhmeto ae hnathu, me adre me tha uhni ödru hnyi ke ûö: me adre me sihnalimen e hnyi tusi hnân ha je bong hnyi hnyimakan than.