Deuteronomi 25 - Iaai Bible 1901 (New Caledonia)

¹ A NE hu ivinö anyin tavat, kʼ ödrin e hom ka hnyi hna owisa, kʼ adre me owisa ködrin; me adre me he ka haisoâ at ae wisa, me hangâ at ae kong;

² ke ame ne ûcû he ka osoâ at ae kong, me ame he at owisa ka ha mʼ adre me omokulec e, me osoâ bi hnyi hnyimakan, e ûcû me anyin hulö hoton numerainy.

³ E khana he ka ofâte kot ke ca onuâ bi: wâ e nye bi hanen, ke osehia kot, me ame he ka kong bi liamekeiny mou hnyi hnyimâkâm.

⁴ U me ca he ka ca hnyimen bolok kʼ ame ututo hwit.

⁵ Ame ne tha laba je liamekeiny, ke ame mokcu ke at gadrin ke ba nokon, me ame ca he momo a âiân at ae mokcu ka he hnyou ai me me âiân ke atkanyua bi: ke ame he liamekeiny me âiân ka hom e me âiân bi, me ânyâ kâu hanymen liamekeiny me âiân.

⁶ Ke haba nokon a bân e ame he ka hnoköâ hnen momo, me adre me he ka wenyö ien liamekeiny me baga at eji a mok, me me ca he ka hia ien hnyi Isaraela.

⁷ Ke ame ne ca weny baga he ka hom safaciny liamekeiny me, me hamen safaciny liamekeiny me ka he ka hnyi homagöule ka wahingat me ha, ka habe, E höcö liamekeiny me öiök he ka okûâ hnyi Isaraela ien liamekeiny mē, e höcö he ka ânyâ hanymen liamekeiny mē könya.

⁸ Me ame he wahingatiny anyin taun ka hawa baga, me fuc kâu: ke ame ne tot baga, me ha, ka habe; E ca wek he ka hom momo e;

⁹ awe, ame he momo a âiân liamekeiny mē ka he kâu hnyi hnyimakan wahingat, me uny dut taben hnyeûcan baga, me hangöcâ hnyimakan, me ha, ka habe, Adre me he ka ânyâ helâe ka at ame ca otilâ lap anyin liamekeiny mē.

¹⁰ Ke adre me he ka hwenyi ien hnyi Isaraela, ka habe, Lap anyin at adre uny taben hnyeuca.

¹¹ Ame ne û ke li at, ke ame o momo he ka omelö âiân ûnyi ge at ame kot, kʼ ame he momo ka inâ hnyamen me kât e ûnyi hnyi unyin:

¹² awe, u me he ka subâ degecâ hnyamen momo, ca he emakâm ka betenge gan.

¹³ Ame ca he ka hu hnyi tangâm tang je tulut ae ve bongon, at ae gan me ûhnyûkong.

¹⁴ Ame ca he ka hu hnyi umâm uma efa ae ve bongon, at ae gan me ûhnyûkong.

¹⁵ Ke u me he ka hu tulut ae bekhöt me wisa; efa ae bekhöt me wisa u me he ka hu: me me se hia bongom je bong hnyi hnyei a ham köu Iehova Khongom.

¹⁶ Anyin a hûkötiânö Iehova Khongom tavat hia adre me ânyâ helâe, a tavat adre me ânyâ hwakecin ae ca wisa.

¹⁷ Ûnykûme ju ûnyi a ânyâ Amaleka köu eû hnyi gethen, waleji u me he jem ûheny Aigupito:

¹⁸ a gʼ ame ûkhanö möu eû hnyi gethen, kʼ ame kot tavat a biliny, tavat ae sënyin adre me biliny, ke u sënyin me vec; ke e ame ca outen Khong.

¹⁹ Anyin a wale e ka hia but Iehova Khongom omeno u ge je iwahnaihmiony hia möu igigilö, hnyi hnyei a ham köu Iehova Khongom me me em hnân labā, me u me he ka kot degecâ hna ûnykûme at Amaleka unyi eang hmeledrany; u me ca he ka hnying.