Deuteronomi 20 - Iaai Bible 1901 (New Caledonia)

¹ U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

² Ke öbun ka he ka ûhakekenyi he ka vat, me hamen at bihut he ka tot me fuc ka tavat,

³ me ha ködra, ka habe, Isaraela lö, long ju, öbun e he ka vat hnyi bong ang me je iwahnaihmiony möbun; ca hlohlo bi je hnyekubun; ca ot me öbubunv, ke ca he öbun ka ot gadra;

⁴ anyin a Iehova Khongubun ame tha he möbun he ka omeli öbun.

⁵ Ke hamen je taben he ka ha ka tavat, ka habe, Ewa at up uma a teb ûnyi ke tiga ca hia but delec? e so ame he at eling ka hmetuhmetu ka hnyi umen uma, wâ e nye mokcu hnen vat, me delec biju hnen ke at.

⁶ Ke ewa at ame belökâ hnyei vine ke tiga ca hia but ijem wan ûnyi hnyin? e so e ame he me hmetu ka hnyi umen uma, wâ e nye mokcu hnen vat, me ijem biju hnen ke at.

⁷ Ke ewa at ame ûköcö me hlu, ke tiga ca hia but hom? e so e ame he me hmetu ka hnyi umen uma, wâ e nye mokcu hnen vat, ke hom biju hnen ke at.

⁸ Ke hamen je taben he ka ha hmetu ka tavat, me ha, ka habe, Ewa at ame ot me hlohlo hnyekon? e so e ame he me hmetu ka hnyi umen uma, wâ e nye oköiö hnyekon je liamekeiny mē helâ me hnyekon.

⁹ Ke ka hia but fuc je taben ka tavat, me ödrin e he ka otilâ je tuhan vat, me me homakan tavat.

¹⁰ Ke u ka hakekenyâ ke taun he ka vat, me u ma bâm ka ha ûsoköu mödra.

¹¹ Ke adre me ne thu ûsoköu hmetu köu, me khong köu, me hamen tavat hia adre wâ eû hnyin be ka bi fat köu, me bi athnyabaem.

¹² Ke ödrin e ne ca ûsoköu, ke: ödrin e bevat bi mou, me u me be ka igigilö taun ge vat:

¹³ ke e ka hna e köu Iehova Khongom; me u me he ka kot ta je baga hia ge hele vat:

¹⁴ ke haba omomo, me tavat ae ûhnyûkong, me omeno, me ta je ûnyi hia hnyin taun, a ta je ûnyi hia hnân hûgûnâ, me u me he ka hom hnân hobi köu; ke u me he ka han ta je ûnyi anyin je iwahnaihmiony mou a ham köu Iehova Khongom.

¹⁵ U me he ka ânyâ helâe ka ta je taun hia ae ûaâkâûö mou, ke ca tavat adre me labā hnyei eang.

¹⁶ Ke haba aten je taun ang a ham köu Iehova Khongom hnân em, me u me ca he ka omelö ke ûnyi ae hu homenâiny:

¹⁷ ke u me he ka ti ohiʼ ödra; wale at Heth, me Amora, me Kanana, me Perizi, me Hivi, me Jebusi; helâ me Iehova Khongom ame hûna köu:

¹⁸ mʼ adre me ca he ka nʼ öbun he ka ânyâ hoton hwakecidra ae ikiki, wale adre me ânyâ ka anyidra je khong; mʼ öbun e kong kö Iehova Khongubun.

¹⁹ U je ne he ka igigilö ke taun hnyi je bong ae se hia he ka vat mē, me hom e, me u me ca he ka ohia je ûöiny, me sö degecâ ge gö; anyin a u me he ka an wan, ke u me ca he ka sö; hawa, ûöiny hnyei helâ me at, mʼ u me ka igigilö e ge vat?

²⁰ Ke so bi, haba je ûö u me wâhmakhmeto a ca je ûö hnân han, me u me he ka ohia me sö; ke u me he ka otilâ hak cicö taun! ame vat mou, ke ne o but ame ngâ but.