Deuteronomi 14 - Iaai Bible 1901 (New Caledonia)

¹ ÖBUN je laku Iehova Khongubun: ca be öbun ka kavi öbun bi, ke ca he öbun ka ohadreûâ bademaköbun hnyi wanben li emaköbun adre ânyâ can komok.

² Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

³ U me ca he ka han ke meno ae ikiki.

⁴ Walang je meno öbun e he ka han: a je kau, me mamoe, me got,

⁵ me aila, me zebi, me imura, me got ae hiny, me disona, me teo, me zamera.

⁶ Ke haba ta je meno hia adre kia luâ ûjimen can, me kia luâ bacan, me hoc hmeto hna han, unyin omeno, me wale ö ʼbun.

⁷ Ke so bi walang je meno öbun e ca he ka han ûnyi gadra, a je meno adre me hoc hmeto hna han, me kia luâ ûjimen can: a kamela, me anebeth, me shefani, anyin a ödrin e hoc hmeto hna han, ke adre ca kia luâ ûjimen can, ödrin bo kong köbun:

⁸ me buaka, anyin a e ame kia luâ can, kʼ ame ca hoc hmeto bi hna han, wale ae bo kong köbun: ca he öbun ka han utiöidra, me kâlâ unyidra ae mok.

⁹ Walang ta je ûnyi öbun e he ka han ûnyi hnyi köiö; haba ta je wâ hia ae hu bohûnyon me unöiny, me öbun e he ka han:

¹⁰ ke haba je ûnyi hia ae ba bohûnyon me unöiny, me öbun e ca he ka han; wale ae bo kong köbun.

¹¹ Öbun e he ka han omeno hia ame gâ ae bo so.

¹² Ke walang je at öbun e ca he ka han, a aeto, me perese, me ozeni;

¹³ me rae, me aia, me daa hoton bongudrin;

¹⁴ me ta je oreba hoton bongudrin;

¹⁵ me iaena, me taemasa, me sahafe, me dring hoton bongudrin;

¹⁶ me mun, me ianesuf, me tinesemeth,

¹⁷ me kati, me raama, me salak;

¹⁸ me kasida, me anafa hoton bongudrin, me dukifath, me bû.

¹⁹ Ke haba je ûnyi hia ame iyâû me gâ, me bo kong köbun: kʼ adre me ca he ka han.

²⁰ Ke öbun e he ka han je meno ame gâ hia ae bo so.

²¹ Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

²² U me he ka ham ke keihen a libenyitainy troban hnyei hnyi ke huna me ke huna.

²³ Ke u me he ka han ke keihen a libenyitainy ânyâm hwit, me ânyâm waina, me ânyâm wakaco, me je nokon halem je kau a bân, me halem je mamoe, hnyi hnyimakö Iehova Khongom, hnyi dok e ame he ka ûca me me laba hnyin ien; mʼ u me he ka nâ ka outö Iehova Khongom hnyi ta ogo bong hia.

²⁴ Ke ame ne ti sâkâû gethen, me ca khanö u he ka hom tilâ ta je ûnyi e, can anyin ae sâkâû dok ame he Iehova Khongom ka ûca me me laba hnyin ien, e ka be Iehova Khongom ka ohnahici u;

²⁵ awe, u me he ka ûco e hwaban mone, me lan mone hnyi hnyamâm, me he ka hnyi dok ame he Iehova Khongom ka ûca:

²⁶ ke u me he ka ûco ge mone eling ja ûnyi u me wem, ame ne kau, ame ne mamoe, ame ne waina, ame ne grâg, kʼ ame ne ke ûnyi u me wem hobi köu: ke u me he ka han eling hnyi hnyimakö Iehova Khongom, me senyin, a u me ânyâm lap:

²⁷ ke u me ca he ka hna degecâ at Levi a e unyâm: anyin ae ba hwajekhon me iny unyâm.

²⁸ Ke haba hnyi obiny huna a kuniny me u me he ka hom ke keihen a libenyitainy troban em hnyei hnyi huna eling, me ip hnyi je hnyabam,

²⁹ kʼ ame he ka hnyi han unyâm at Levi, anyin ae ba hwajekhon me iny unyâm, me atkanyua, me nakahme, me safac, a tavat hnyi je hnyabam me me sekudrin; me me he Iehova Khongom ka ohnahici u hnyi ta je huliwa anyin hnyamâm u me ânyâ.