Deuteronomi 10 - Iaai Bible 1901 (New Caledonia)

¹ KE haba hnyi ûen eling Iehova ame ha könya ka habe, U me he ka delâ li veto ae lau helâ me a bân, ke öliâ thö bucen könya, ke u me he ka tibet ke tang uto.

² Ke oge me he ka sihnalimen hnyi li veto ae lau ta je hofuc hnyi li veto ae lau a bân waleji u je thu, ke u me he ka hitangen li ûnyi e hnyin tang.

³ Me oge me tibet tang uto ohum, me delâ li veto ae lau, helâ me li at a bân, me öliâ ka hnyi hon bucen, me li veto ae lau hnyi hnyamok.

⁴ Ke e ame sihnalimen hnyi li veto ae lau helâ me hna sihnalimen a bân, wale je hnanyibu a ten, a ha Iehova köbun hon bucen ûnyi hnyi wanben meic hnyi je bong bongon ûkhacaköu: me Iehova ame ham li ûnyi e könya.

⁵ Ke oge me hwio me he ûheny hon bucen, me oge me hitangen li veto hnyin tang oge tibet; ke wale bala ling, helâ me Iehova ame hûna könya.

⁶ (Ke haba lakon Isaraela adre me he ûheny Berotha Bene-jakana, Mosera ai: ke a mokcu Arona eling, kʼ adre konâm e eling; ke haba Eleazara a nokon ame ânyâ hanymen at bihut hwaban.

⁷ Ke adre me he ûheny e Gudagoda ai, ke ûhedra Gudagoda, me adre me he Jotebath ai, hnyei ae hu je wagewe hnyin.

⁸ Haba hnyi ûen eling Iehova ame hake ip tribu anyin at Levi, he ka vadren tangen ûbihinyköu anyi Iehova, he ka tot hnyi hnyimakö Iehova, me huliwa kâu, me hahnahicâ hnyi ien, ke ne o but hnyi bong ang.

⁹ Anyin a wale e ba hwajekhoû Levi me iny unyin je liamekeiny mē; haba Iehova, me iny hnyei, helâ me Iehova Khongom ame ha kâu.)

¹⁰ Ke oge laba hon bucen fâte je lany ke fâte je lit, helâ me ûen eji a bân: ke Iehova ame löng minya könya hayi ûen eling; ke ca we Iehova he ka ohiö u.

¹¹ Ke Iehova ame ha könya, ka habe, Todrö u me hnyimakan tavat; me adre me he ka he me hu hnyei, waleji oge khemanyin ka lakamödra he ka ham ködra.

¹² Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

¹³ he ka tuö je hna hûna hnö Iehova, me anyin je hnanyibu, wale oge me hûna köu hnyi bong ang, mʼ u me so bi?

¹⁴ Wâ bi ûnyi anyi Iehova Khongom drany me draniny je drany, me hmeledrany, me ta je ûnyi hia thithö hnyin.

¹⁵ Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

¹⁶ Anyin a wale peritomonâ unen je hnyekubun, ke ca he hmetu bi öbun ka hwege nyin.

¹⁷ Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

¹⁸ E ame owisa hobi kâu nakahme, me safac, kʼ ame betenge ge atkanyua, me han, me okhavâ.

¹⁹ Anyin a wale betenge ju öbun ge atkanyua; anyin a je atkanyua öbun hnyi hnyei Aigupito ehac.

²⁰ U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

²¹ E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

²² Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.