At Khet 5 - Iaai Bible 1901 (New Caledonia)

¹ TUÖ ju li cam u ka he ka hnyi uma umen Khong; anyin ae so he ka hakekeny dö he ka long, hon he ka hudo bi hut anyin at ae monu.

² Ca he ka logot hnyimâm, ke ca he ka logot hnyekom, he ka ha ke hofuc hnyi hnyimakan Khong; anyin a ethö Khong hnyi drany, ke u ang hmeledrany: anyin a wale e so e wakhalet hwâm je hofuc.

³ Anyin ame kû bwi hnen ta je huliwa ae se hia; me ifucin at ae monu hnen ta je hofuc ae se hia.

⁴ U ka he ka bi khöbi ka Khong, ca bec bi he ka ohwâdâ; anyin a e ame ca senyin ka tavat ae monu: owhâdâ thö hnâm hna bi khöbi.

⁵ E so he ka ca bi khöbi, ke kong he ka bi khöbi me ca ohwâdâ bi.

⁶ Ca hna hnyimâm he ka bijoniny unyâm; ke ca ha bi hnyi hnyimakan angela, ka habe, e monu e: anyin a ieû ame he Khong ka hmonyin ge ifucâm, me ohiâ huliwa anyin li hnyâmâm?

⁷ Anyin ame he ka helâe can je bwi ae se hia, me je thatûnyi, me se hia je hofuc: ke u me he ka outen Khong.

⁸ U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

⁹ Ke haba jeûiny kânâ me hobi kâu tavat hia: kʼ adre me bi an than ûnyi hnyi hnyei.

¹⁰ Haba at ame hnyokâ sileva, me ame ca he ka sekon ge sileva; ke haba at ame hnyokâ omjeû ae se hia, me ame ca he bi ka sekon ge hna osehia: Wale ke thatûnyi.

¹¹ E ka se hia omjeû, me se hia minya j ödra adre me an e: ke ieû troban ka at a anyin ta je ûnyi, kʼ ame wâ thibi ge li ecmak?

¹² E senem hna mokut ka at huliwa, kʼ ame ne han gan ame ne ûhnyûkong: ke ca khana at tren omjeû he ka mokut, can ae ti unöngöt hnyekon.

¹³ Walang ûnyi ae kong ae vec oge me wâ hmelen seûno, je omjeû a tuö hnen ke at a omjehen, kʼ ame ka ovecâ e bi gan:

¹⁴ ke ame hia ta je omjeû eling hnyi deny ae kong; ke ame ne hu nokon, me ba ke ûnyi hobi kâu bi.

¹⁵ Helâji me ioiny a gʼ ame he thu ûnyi hnyi hnyekon hinyen, me helâe minya e ame he ka hmetuhmetu helâ me ûen a o hnyin, ke ba ûnyi e ame he ka hom ûnyi hnyi anyin ta je huliwa me hom hnyi hnyamen bi.

¹⁶ Ke wale monu ae vec, a gʼ ame he ka hmetuhmetu tha ûcû me ûen waleji e ame o hnyin: ke ieû troban kâu a e ame huliwa ka ang?

¹⁷ Ke haba khaca, e ame han hnyi bongon je bong hia hnyi menekholom, me vec hmonyin, me mok, me wathethot.

¹⁸ Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

¹⁹ Ke haba at ame ham kâu omjeû me ta je ûnyi hnen Khong, kʼ ame ham kâu minya man he ka han hnyi ta je ûnyi e, me hom jekhon, me senyinâ anyin huliwa; me wale bwihlany anyin Khong.

²⁰ Anyin a e ame ca he ka ti ûnykûme ta je bong bongon anyin mot; anyin a Khong ame thu kâu me me senyin hnyekon.