II. Man Ûlabainy Je Than. 3 - Iaai Bible 1901 (New Caledonia)

¹ ME haba Solomona ame hwân he ka op uma umö Iehova hnyi Jerusalema hnyi bucen Moria, waleji a manen hnyin Iehova kö Davita a kamen, wale e ame penapena hnyi dok ame kû Davita hnyi hna huje hwit anyi Aruna at Jebusi.

² Ke e ame hwân he ka op uma hnyi bong a loiny tehi a loiny, hnyi huna a vakiny anyin musi.

³ Ke walang hnö Solomona hna bi taben, me me op uma umen Khong. Haba ibeûen hoton tulut a bân, sikste je kubit, ke haba ûlaûen, twente je kubit,

⁴ Ke haba poretiko hnyi hnyimakan uma, e tha ûcû ibeûen me ûlauen uma, twente je kubit, ke ibeûen goranyai, wan haded me twente: ke e ame tube hnyin ge gol ae so.

⁵ Ke e ame bi esö ethö hon uma ae gan ge kop, me tube ge gol ae so, me op hon je pama me je cen.

⁶ Ke e ame omecâ uma ge je veto ae ûnyi hnathu me me hmanenang: ke haba gol, me goliny Parevaima.

⁷ E ame tube goliny minya uma, je venyâ, me utkhetep, me je baten uma, me je hlinginy hwanuma; me kave je kerubi hnyi baten uma.

⁸ Ke e ame ânyâ uma ae ti kap; haba ibeûen e ûcû me ûlauen uma, twente je kubit, ke haba ûlaûen twente je kubit: ke e ame tube ge gol ae so ke ne o but siks haded je talan.

⁹ Ke haba ihmakiny je fao fifte je sekel gol. Ke e ame tube goliny je hnyeule ethö.

¹⁰ Ke e ame ânyâ hnyi hnyin uma ae ti kap li kerubi adre theâtâ, ke ödrin e tubi ödru ge gol.

¹¹ Ke haba ibeûen je labenyin li kerubi twente je kubit: faiv kubit ke labenyin, ame kâlâ baten uma; ke faiv kubit minya ke labenyin ame kâlâ labenyin ke kerubi.

¹² Ke haba labenyin ke kerubi faiv kubit, ame kâlâ baten uma; ke haba ke labenyin faiv kubit minya ame kâlâ labenyin ke kerubi.

¹³ Adre lau je labenyin li kerubi eling ke ne o but twente je kubit: ke ödru me tot ge li cadru, me hnyimaködru ka hnyi uma.

¹⁴ Ke e ame ânyâ singiny ae udrudrâ, me udrudrâ hlit, me dra vec, me lino ae ûhnyûkong nân, me tibet je kerubi hnyin e.

¹⁵ Ke e ame ânyâ minya hnyi hnyimakan uma li hmolom ûsa thote faiv kubit ibeûen goranyai, ke haba li ovejien walethö hon li baû ûsa faiv kubit.

¹⁶ Ke e ame ânyâ je cen hnyi umen hofuc, me ip hnyi ban li hmolom; ke e ame ânyâ je wan rimona a wan haded, me ip hon je cen.

¹⁷ Ke e ame otilâ li hmolom hnyi hnyimakan uma, khaca hnyi ke keihen metâ, ke khaca hnyi ke keihen me; me hwenyi ien khaca hnyi ke keihen metâ Jakina, ke ien khaca hnyi ke keihen me, Boaza.