II. Man Ûlabainy Je Than. 25 - Iaai Bible 1901 (New Caledonia)

¹ TWENTE faiv but je hunai Amazia hnyi ûen e ame hwân ka than: ke e ame musi hnyi Jerusalema twente nain je huna: ke haba ien hinyen, me, Jehoadana momo Jerusalema.

² Ke e ame ânyâ wisa hnyi hnyimakö Iehova, ke so bi e ca bekhot ut hnyekon.

³ Ke hnyi ûen adre hia but ohmâ dokhu unyin, me e ame hlingâ li lathnyabiny, waleji ödre hlingâ than a kamen.

⁴ Ke so bi e ame ca hlingâ lakudru, ke e ame ânyâ hoton hna sihnalimen hnyi tusi hnanyibu anyi Mose, waleji a hûna Iehova, ka habe, Ame ca he ka mok je kamen can lakon, kʼ ame ca he ka mok je nokon can je kamen; kʼ ame he tavat hia ka ve moko anyidrin bi hulo.

⁵ Ke haba Amazia ame ûkhacaköuâ at Juda, me khenʼ ödrin hoton je lap anyin je lakamen, hmelen je taben thauzan me je taben haded, wale Juda me Beniamina hia: me e ame öû ödrin hwân ge tavat a twente huna me gan hon e, me ö ödrin a ödrin theri haded thauzan tavat adre ûca, ae ûcû ka hnyi vat, tavat hok ö me bec.

⁶ Ke e ame bi hwaban minya wan haded thauzan tavat ae hwege ûhedrin Isaraela, a ham hwaban wan haded je talan sileva.

⁷ Ke ame o but kâu ke aten Khong, me ha, ka habe, Than lö, e so ame ca tha he möu deo vat anyin at Isaraela; anyin a ca tha Iehova me at Isaraela, a je laku Eferaima hia.

⁸ Ke u je ne behe, he thö, hwege thö hnân vat: ke ame he Khong ka oto u hnyi hnyimakan iwahnaihmiony; anyin ae hu maniny Khong he ka ûhadruo, me he ka ota.

⁹ Me haingö Amazia ka aten Khong, ka habe, Ötin e he ka kâmâu ta je talan a wan haded waleji o ge ham ka deo vat anyin Isaraela? Ke haingen aten Khong, ka habe, E khanö Iehova he ka ham gânâ köu hon e.

¹⁰ Haba, Amazia ame hake ip ödrin, wale deö vat a o kâu ûhedrin Eferaima, he ka he hmetu ka hnyi hnödrin: anyin a wale ame ubâhlâ anyidrin hmonyin ka at Juda, me ödrin e he hmetu ka hnyi hnödrin me hmonyin ae gan hmâ.

¹¹ Ke haba Amazia ame hnyok baga, me hom lakeiny ka hnyi Hnyigöulen bucen Sâlt, me kot je laku Seira a ten thauzan gadrin.

¹² Ke haba ke ten thauzan minya tavat ae möt a hom je laku Juda, me hum ödrin ka hnyi ban kic, me hagutʼ ödrin ûnyi ethö hnyi kic, me ödrin e amam hia.

¹³ Ke haba aten deo vat waleji a kunâ hmetu Amazia, mʼ adre me ca tha he më ka hnyi vat, me, ödrin e utut ka hnyi je tauniny Juda, hwân hnyi Samaria ke ne o but hnyi Bethe-horona, me hlingâ kun ta thauzan gadrin, me sö gan hmâ.

¹⁴ Ke haba hnyi ûen ame o hmetu thö Amazia ûheny hnyi hna kot at Edoma, me e ame hom je khongon je laku Seira, me otilʼ ödrin hnân je khongon, me nom ködrin, me leû utö ae bo so ködrin.

¹⁵ Me ame ubâhlâ thö hmonyin anyi Iehova kö Amazia, me e ame kunâ kâu ke perofeta, at ame ha kâu, ka habe, Anyin a ieû u je elâm unyin je khongon tavat, wale ödrin e ca hia but omelö je atödrin ûnyi hnyi hnyamâm?

¹⁶ Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

¹⁷ Me haba Amazia than Juda ame ûsabö, me e ame ûkhûnöng kö Joasa nöku Jehoaza, nöku Jehu, than Isaraela, me ha, ka habe, Otu me he ka ûhnvimakötuköu.

¹⁸ Me haba Joasa than Isaraela ame ûkhûnöng kö Amazia than Juda me ha, ka habe, Haba iwadekonginy Lebanona ame ûkhûnöng ka arasiny Lebanona, me ha, ka habe, Ham dö nokom hlu me me âiân nokuk: ke haba ke meno hnyeuten Lebanona ame he, kʼ ame utö iwadekong.

¹⁹ Ke haingâm, ka habe, Wâ bi, u je hia but kot at Edoma; kʼ ame kap göranyi u ge hnyekom he ka hobelöu: laba ju hnyi hnyabam; ieû gam u me he ka okûâ ûnyi ae kong mʼ u me he ka ta, u, me Juda a tha ödrin möu?

²⁰ Ke ame ca long bi Amazia; anyin a ûnyi ga Iehova mʼ adre me he ka hnʼ ödrin ka hnyi hnyamen ta je iwahnaihmiony mödrin, anyin a ödrin e hia but elâm unyin je khongon Edoma.

²¹ Me haba Joasa than Isaraela ame he; ke haba e me Amazia than Juda ödru me ûhnyimaködruköu hnyi Bethe-semes hnyi Juda.

²² Me ame kong ut at Juda ge at Isaraela; mʼ ödrin e ve kec ka hnyi umödrin je uma mano.

²³ Ke haba Joasa than Isaraela ame kot Amazia than Juda, nöku Joasa, nöku Jehoaza, hnyi Bethe-semes, me hom e Jerusalema ai, me kia hna up haginy veto hnyi Jerusalema, …ân hnyi homagöule Eferaima ke ne o … nyi homagöuleny kopiny, foa haded je kubit.

²⁴ Ke e ame hom hia gol me sileva, me ta je kaia adre me wâ hnyi uma umen Khong unyi Obed-edoma, me je omjeû hnyi uma umen than, me je hnyat hnân hwaban, me adre me hmetu Samaria ai.

²⁵ Ke e möt Amazia nöku Joasa than Juda hwaban a mokcu Joasa nöku Jehoaza than Isaraela, fiftin je huna.

²⁶ Ke haba kolon je hna ânyâ hnö Amazia, a bân me biliny, wâ bi, adre ca sihnalimen e hnyi tusi anyin je than Juda me Isaraela?

²⁷ Ke hwân hnyi ûen ame hwio Amazia ga Iehova, me ödrin e sihnân e hnyi Jerusalema; me e ame kec Lakisa ai: me ödrin e ûkhûnöng Lakisa ai me hlingâ eling.

²⁸ Me ödrin e hom e hon je hors, me konâm e tha e me lakamen hnyi taun anyi Davita.