II. Man Ûlabainy Je Than. 21 - Iaai Bible 1901 (New Caledonia)

¹ KE ame mokut ut Jehosafata tha e me lakamen, me adre me konâm e unyin lakamen hnyi taun anyi Davita: kʼ ame than biju Jorama a nokon hwaban.

² Ke hu je liamekeiny mê a laku Jehosafata, wale Azaria, me Jehiela, me Zakaria, me Azaria, me Mikaela, me Sefata: ödrin hia e je baga laku Jehosafata than Isaraela.

³ Ke haba kamödrin ame ham ködrin je bwihlany ae se hia, sileva, me gol, me omjeû ae ûnyi hnathu, tha e me je taun adre up haginy hnyi Juda: ke e ame ham dokhon kö Jorama, anyin a e atö.

⁴ Ke adre me otilö Jorama hnyi dokhu dokhon kamen, kʼ ame ohwegiâ e bi, me e ame tha hlingâ je liamekeiny më, me ke je than minya hnyi Isaraela ge hele vat.

⁵ Thote tu je hunai Jorama hnyi ûen e ame hwân ka than; ke e ame musi hnyi Jerusalema eit je huna.

⁶ Ke e ame vheno gethen deny je than Isaraela, helâ me hna ânyâ ge lap anyi Ahaba: anyin a âiân momo nöku Ahaba: ke e ame ânyâ ûnyi ae kong hnyi hnyimakö Iehova.

⁷ Ke so bi e ca we Iehova bi he ka ohia lap anyi Davita, can ûhihinyköu waleji e ame ânyâ me Davita, me helâ me hnen hna ha bânâ he ka ham lamepa kâu me je mâtrâniny nyiele balua.

⁸ Ke haba hnyi bongon je bong me haba at Edoma ödrin e hûgûnâ musi ûnyi hnyi hnyamen at J uda, me otilâ ke than hudrin bi.

⁹ Me ame he Jorama me anyin je taben vat, tha e me anyin je kariota hia: ke e ame todru hnyi hnyinghet, me kot at Edoma tavat adre me igigilo e, me je taben kariota

¹⁰ Me haba at Edoma ödrin e hna degecâ at Juda ke ne o but hnyi bong ang: ke haba at Libena ödrin e hna degecâ a hnyi ûen minya e: anyin a e ame digic Iehova Khongon lakamen.

¹¹ Ke haba khaca e ame ânyâ je dok ae gorany hnyi je bucen Juda, me kunâ aten Jerusalema he ka bi ûnyi monu, me cubec at Juda.

¹² Ke ame o kâu ke tusi ûnyi ga Elia perofeta ame ha, ka habe, Walang hna ha hnö Iehova Khongu Davita a kibâm, ka habe, Anyin a u je ca vheno gethen de Jehosafata a kâmâm, me je gethen de Asa than Juda;

¹³ ke u je vheno gethen deny je than Isaraela obiûnyimono at Juda me aten Jerusalema, helâ me hnâ ânyâ ge lap anyi Ahaba; ke haba khaca u je hia but hlingâ je liamekeiny möu wale lap anyin kâmâm, tavat ae so hom;

¹⁴ wâ bi, ame he Iehova ka kot lakem ge vec ae gan hmâ, me je lakom, me laâiâm, me ânyâm ta je ûnyi hia:

¹⁵ ke u me he ka mok gan hmâ ge tangtem, ke ne o but ame he ka hingölö tangtem ge mok hnyi je bong.

¹⁶ Ke haba Iehova ame okhûâ hnyekon at Filisiti, me at Arabia tavat adre me hakekenyâ at Aithiope, kö Jorama:

¹⁷ me ödrin e o hnyi Juda, me kot e, mo hom je tang omjeû hia adre wâ hnyi uma umen than, me lakon minya, me laâiân; me ame ba but nokon ke Jehoaza thiju a wakeiat hmonyin.

¹⁸ Ke hwaban ta je ûnyi hia eling, Iehova ame kot e me e ame moko tangtiny, me ca khana he ka möt.

¹⁹ Ke hnyi ke ûen hwaban lo li huna, ame hingölö tangtiny ge mok, me e ame mokcu ge mok ae kong. Ke ödrin e ca leû utö ae bo so hobi kâu, helâ me hna leû utö ae bo so hobi kâu lakamen.

²⁰ Thote tu je hunainy hnyi ûen e ame hwân ka than, ke e ame musi hnyi Jerusalema eit je huna: ke e ame he but kʼ adre ca tengiâ; me ödrin e konâm e hnyi taun anyi Davita, ke ca hnyi je erkemok anyin je than.