II. Man Ûlabainy Je Than. 19 - Iaai Bible 1901 (New Caledonia)

¹ KE haba Jehosafata than Juda ame hmetu ka hnyin umen uma hnyi Jerusalema me hnahic.

² Ke haba Jehu nöku Hanani at wâ ame he me ûkhanö më, me ha kö Jehosafata than, ka habe, Hawa, e so köu he ka hadruâ at ae kong, me betenge gadrin adre me hûkötiö Iehova? anyin a wale e hu hmonyin anyi Iehova köu.

³ Ke so bi, e hu so adre wâ gam, anyin a u je hia but ohia je Aseira hnyi hnyei me penapena hnyekom he ka elâm Khong.

⁴ Ke Jehosafata ame laba hnyi Jerusalema: ke e ame vheno hmetu hnyei, hwan hnyi Bere-seba ke ne o but hnyei ae hut hnyi Eferaima, me ohmetu ödrin kö Iehova Khongon lakamödrin.

⁵ Me e ame otilâ tavat owisa hnyei hnyi je tauniny Juda adre up haginy, hnyi ke taun me ke taun,

⁶ me ha ka tavat owisa, ka habe, Ûnykûme wia hnobun hna ânyâ: anyin a öbun e ca owisa hobi kâu at, ke Iehova bi; ke e bi unyibun öbun ka owisa.

⁷ Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

⁸ Ke Jehosafata ame otilâ hnyi Jerusalema ke je at Levi, me hnyat bihut, me je kamen ae beönua hnyi Isaraela, he ka owisa hobi ko Iehova, me hnyi je iwatretra. Ke ödrin e hmetu Jerusalema ai.

⁹ Me e ame ha wia ködrin, ka habe, Öbun e he ka ânyâ helâe me outö Iehova hnyi hnathu me hnyok ae wisa.

¹⁰ Ke ka o köbun ke iwatretra ûnyi ge je liamekeiny möbun a hnyat labā anyidrin je taun, ge dra, ame ne hnanyibu, me hna hûna, me hna otilâ, me hna owisa, me öbun e he ka koû ködrin, mʼ ödrin e ca he ka kong kö Iehova, wâ e nye o hmonyin köbun me je liamekeiny möbun: ânyâ thö helâe me öbun e ca monu.

¹¹ Ke, wâ bi, Amaria, at bihut ae beönua, e bi at musi öbun hnyi ta je ûnyi anyi Iehova; me Zebedia nöku Isamaela, at ame muso lap anyin Juda, ge ta je ûnyi anyin than: me at Levi a je homakan hnyi hnyimaköbun. Hwege thö, me ânyâ thö, kʼ ame he Iehova ka tha e me at ae so.