II. Man Ûlabainy Je Than. 14 - Iaai Bible 1901 (New Caledonia)

¹ KE ame tha mokut ut Abia me lakamen me adre me konâm e hnyi taun anyi Davita, ke ame than biju Asa a nokon hwaban. Ke ame laba wia hnyei hnyi bongon je bong, ten je huna.

² Ke haba Asa ame ânyâ so me wisa hnyi hnyimakö Iehova a khongon:

³ anyin a e ame ohia je taben hut kanyua, me je dok ae gorany, me sö degecâ je Aseira;

⁴ me hûna ka at Juda he ka elöm Iehova, Khongon lakamödrin, me ânyâ hnanyibu me hna hûna.

⁵ Ke e ame ohia minya je dok ae gorany me je hna theati seûno ûnyi hnyi je tauniny Juda: ke ame laba wia dokhu hnyi hnyimakan.

⁶ Ke e ame op je taun adre up haginy hnyi Juda: anyin ame laba wia hnyei, ke ba anyin vat hnyi ta je huna eling; anyin a Iehova ame omenâ e.

⁷ Ke haingen ka at luda, ka habe, E so otin e op je taun eling, me ânyâ je haginy igigilö me je hnabâ, me homagöule, me ohmâiny; e tiga e bi hnyei hnyi hnyimakötin, anyin a otin e elöm Iehova Khongutin; otin e hia but elâm e, me e ame hia but omenʼ otin igigilo. Me ödrin e op me ame hnahic ut.

⁸ Ke e hu utbavat anyi Asa tavat hok bec me ö, ûnyi ge at Juda theri haded thauzan, me ûnyi ge at Beniamina, tavat hok bec me hlic fana ödrin tu haded ke eite thauzan: haba ödrin hia eling tavat ae hwege.

⁹ Ke ame o but ködrin he ka vat Zera at Aithiope, me utbavat a wan thauzan je thauzan, ke theri haded je kariota; ke e ame o but hnyi Maresa.

¹⁰ Ke haba Asa ame he but he ka ûkhanö më, me ödrin e otilâ metâ vat hnyi hnyigöulen bucen Zefatha hnyi Maresa.

¹¹ Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

¹² Me haba Iehova ame kot at Aithiope hnyi hnyiinakö Asa, me Juda; me ame kec dö at Aithiope.

¹³ Ke haba Asa me tavat unyin ödrin e hnu ödrin ke ne o but hnyi Gerara: me ame ta but at Aithiope ae se hia me me ba hmetu manidrin; anyin adre ohi ʼödrin hnyi hnvimakö Iehova, me anyin utbavat; ke ti gan ta je ûnyi adre so.

¹⁴ Ke ödrin e kot je taun hia igigilo Gerara, anyin a ödrin e outö Iehova: me ödrin e sö je taun hia; anyin ae se hia ta je ûnyi hnyin.

¹⁵ Kʼ ödrin e sö minya je umen kau, me hom je mamoe me kamela ae se, me hmeto Jerusalema ai.