Salmos 8 - New Testament with Old Testament portions

David Yuusan emematuk kantamruamu

¹ Apuru, ameka ina Yuusriyaitme. Ashi nugkanam matsata nuna apuriyaitme. Ame najankamuram nayaimpinam iruna nuka ashi pegkeraiti.

² Amina kajertamin aina, amina nakitramaina nujai itatmamtikattsam, amina senchirmijai uchi aina tura uchi kuirach ainajai Yuus ememamtikkum kantamtikiame.

³ Wika ame najankamu ainan nayaimpinmayan wainkun, nantuncha, tura ya ainan nui eketainan wainkun,

⁴ enentaimjai. Yuusa shuarnum akinawa jusha, ¿urukamtai ima emesha enentaimtame? ¿Ya asamtaiya kuitamattsamsha ima wakerame?

⁵ Ishichik tsawan nayaimpinmaya shuar aina nu imanchau amajsaume. Turasha ataksha eme enentaimtusa iitai amajsaume.

⁶ Tura asam ashi ame najankamu aina nuna nagkasau atii tusam tinaitme.

⁷ Oveja aina, vaca aina, kuntin tagkuchu ainasha,

⁸ nanamtin agkarunam nanamin aina, namak entsa matsamin aina nuna nagkasau atii tusam tinaitme.

⁹ Apuru, ina Yuusri asam, ashi nugkanam matsata nuna apurimka ameketme. Ame najankamuram nayaimpinam iruna nuka ashi pegker ainawai.