Proverbios 3 - New Testament with Old Testament portions

Yuusa nuke umirkatarma tusa timau

¹ Uchir ainata, wii jintinjarum nuka kajinmattsuk tuke umitarma.

² Wii jintinjarum nu metek umiakrumka shir aneasrum tuke pujutnaitrume.

³ Chicham nekasa nu, tura wait anenkartuta nusha inaisairpa. Antsu shuar aina shaukan nugkur wekaina numamtuk tuke umitarma.

⁴ Tumakrumnaka Yuuscha tura shuar ainasha pegker enentaimturmasartatui.

⁵ Wika yachaitjai tusarum eme anenmamtsuk, antsu Yuusaiti ashi nekauka. Tuma asamtai ima ninak umirkattsa wakerajai.

⁶ Atum takámu aina pachisrum Yuus tuke ujatarma. Nu turamka pegker pujusar ima winak umirtukarti tusa yainmaktatrume.

⁷ Witsukaitja chikich ainan nagkasau ima yachanka tusarmeka tumamirpa. Antsu atumi apuri Yuusa nu umiriakrum, tunau takata nuka inaisatarma.

⁸ Tunau takatsuk pujamuka tsuak aina nuna nagkasauwaiti. Tuma asamtai jatsuk pegker pujustatrume.

⁹ Kuit juakrumsha, tura árak araarum juuwakrumsha akankarum Yuus tuke sutarma.

¹⁰ Atum nu metek umiakrumnaka árak aina juuka chumpitai ainanmasha, tura vino yaratai ainanmasha ashi piakartatui.

^11-12 Shuar nina uchirin anea asa jintinna numamtuk, Yuus incha anenmau asa tunau takat inaisatarma tusa jintintramuk waittan suramji. Turutma asamtai ni waittan surammauka nakitrairpa.

^13-14 Pegker enentaimta nuka kuitan tura oron nagkasau shir pegkeraiti. Tuma asamtai shuar aina Yuus yayámu asar, pegker enentaimas pujuinaka shir aneasar pujusartin ainawai.

¹⁵ Pegker enentaimsar pujamuka, kaya akik aina nuna nagkasauwaiti. Tuma asamtai pegker enentaimsar pujuta nuna nagkasau chikich ima pegkerka atsawai.

¹⁶ Pegker enentaimsar pujuta nuka atsumtsuk pujutan tura chicham umitnumsha, tura nukap tsawan pujutnumsha yainmaji.

¹⁷ Turutma asamtai pegker enentaimsar pujuinatika shir aneasar agkan pujuinaji.

¹⁸ Yachamata nuka pujutan sukartinaiti. Shuar yachamaruka shir aneas pujuwaiti.

^19-35 (-)