Proverbios 24 - New Testament with Old Testament portions

^1-2 (-)

³ Shuar pegker enentaimkauka jea pegkeran jeamnaiti. Tura shugkuncha shir ajinnaiti.

⁴ Tura jea initkarincha takatai aina ikustinan pegker takauwaiti.

⁵ Yachamata nuwaiti shuar kakarman nagkasauka.

⁶ Shuar maaniktasa wakeruinakka mai apuk chichaman umikar maanin ainawai.

⁷ Shuar pegker enentaimkachuka apu inamtairinka waya chicharkartumaitsui.

⁸ Shuar tunaun takaunka chicharainak, ju shuarka tunaun takauwaiti tusa tama awaiti.

⁹ Shuar pegkerchau enentaimkauka tunaunak takastasa enentaima pujuwaiti.

¹⁰ Ame iturchat nepeteakmeka pegker enentaimsam pujumainaitme. Antsu iturchat nepeteachkumka wake mesemar pujumainaitme.

¹¹ Shuaran maattsa pegkerchau chicharainakaigka ayamrukam uwemtikrata.

¹² Ame chichakum: Wika nunaka nekatsjai tusam tinu akuminka, Yuus ashi shuarti enentaimtairin nekauwa nu shuar uruk takasuk ainawa nunaka turusag akiktinaiti.

¹³ Wina uchiru, napa yumiri yuakmeka yumin asa, shir pegkera nu nekamainaitme.

¹⁴ Yachamartaj tamausha numamtuketi. Tuma asamtai ame pegker takamua nuka urukashtinaiti.

¹⁵ Shuar tunaun takau ainata, shuar pegker enentaimkau pegkerchau amajkattsarmeka wakerin airpa.

¹⁶ Nitaka nukap waitainaksha shir aneasar puju ainawai. Antsu tunaun takau aina nuka waitainaksha pegker enentaimsarka pujuchu ainawai.

¹⁷ Atumin shuari iturchatnum pujakai, tura iyarmataisha wishikin airpa.

¹⁸ Shuar wishikin akuminka Yuus amina nekarmau asa waittan amastinaiti.

^19-20 Shuar tunaun takau ainaka lamparín keek wári kajinna numamtuk megkaarartin ainawai. Tuma asamtai nitaka iisam kajerkaipa.

^21-34 (-)