Oseas 3 - New Testament with Old Testament portionsOseas nina nuwen chikich shuarjai pujaun tsagkuramu 1 Yuus ataksha Oseasan chicharuk: “Israelita aina nita yuusrimtairi ainan tortan anajmatawar yuinakaisha, wii nitan aneaj turusmek, amesha weme amina nuwem chikich shuarjai puja nu jukim jeemin itam apujsata, turam ataksha aneta”, tusa tinaiti. 2 Tusa takai Oseas nina nuwen chikich shuar nuatak pujurun quince kuitan, tura cebada trescientos treinta kijintri aramujai akikmak ataksha awaigki nuna nuwan nijai pujustasa sumakuiti. 3 Nuna tura nuwan chicharuk: Yamaika chikich shuarjaigka takanaitsuk, wina jearui nukap tsawan pujusta. Wii taja nu metek umiakminka, wisha aminka nukap tsawan takatsuk pujuttajai, tura wii timau tsawan jeamtai takaniastatji. 4 Israelita ainasha numamtuk: Nukap uwí apurtinchau pujusartinaiti. Tura tagku ainancha epeachartinaiti, kaya pegkermamtikamu ainancha apujsachartinaiti. Jaanch sacerdote nugkutai ainaka atsutnaiti, tura najanamu ainasha atsutnaiti. 5 Nukap uwí pujusar israelita aina ataksha nita Yuusri tuke pujuwa nuna umirtan nagkamawartin ainawai. Tura David ajakua nuiya apu jas israelita ainan inartin ainawai. Tsawan nagkanmaunam ashi israelita aina Yuusain weamkartin ainawai, tumainakai Yuus nitan shir anentsatnaiti. |
© 2010, Wycliffe Bible Translators, Inc. All rights reserved.
Wycliffe Bible Translators, Inc.