Biblia Todo Logo
Bìoball air-loidhne

- Sanasan -

Oseas 1 - New Testament with Old Testament portions


Oseasa nuwegka israelita aina numamtinaiti

1 Shuar Joás naartin ajakua nuna uchiri Jeroboam israelita ainan apuri puju jakuiti. Tura Judá shuar ainan apuri Uzías, Jotam, Acaz tura Ezequías nu ainasha puju jakaruiti. Nu apu aina pujuinai, Israel nugkanam shuar Oseas naartin Beeri ajakua nuna uchiri puju jakuiti. Nuna Yuus chicharuk:

2 “Ame untrum aina wina chichamrun umirtuinachu asar, nuwa chikich shuarjai takanaina numamtuk jasarai. Tumaina asarmatai nuwa chikich shuarjai takanain ame nuatkata. Turam nu nuwanam uchi akigta”, tusa Yuus Oseasan tinaiti.

3 Tusa timau asa Oseas nuwa Gomer naartinan, shuar Diblaim naartin ajakua nuna nawantrin nuatkauwaiti. Tura ajaprumtikauwaiti, turam uchin jureruiti.

4 Tumamtai Yuus Oseasan chicharuk: “Uchiram akina nu Jezreel anaikata, apu Jehú, Jezreel shuar ainan maamunam, nukap arutsuk Jehú weantu ainan waittan susartatjai. Wii turamu asa Israelnumia apuka atsuttawai takum tu anaikata”, tusa tinaiti.

5 Nu tsawan jeamtaigka Israelnumia suntar ainan Jezreel nugka pakarin maaninak nepetkartinaiti, tusa Yuus tinaiti.

6 Ataksha Oseasa nuwe Gomer ajaprukuiti, tuma nuwan jureruiti. Tumamtai Yuus Oseasan chicharuk: “Uchi nuwa akina nu Lo-ruhama anaikata. Nunaka israelita ainan wii wait anentrashtin tura tsagkurashtin asamtai tu anaikata.

7 Antsu Judá weantu apuri ainanka wait anentrartinaitjai, turakun wii nita Yuusri asan uwemtikrartinaitjai. Turasha nagkijaigsha, espadajaigsha, maaniknaksha tura caballo ainajaigsha turashtinaitjai”, tusa Yuus tinaiti.

8 Lo-ruhama muntsun tsurakmatai, Oseasa nuwe Gomer ataksha ajaprukuiti. Tuma uchi aishmagkun jureruiti.

9 Tumamtai Yuus Oseasan chicharuk: “Uchiram akina ju Lo-ammí anaikata, nuka wii shuarka achattarme, tura wika atumi Yuusrigka achatin asamtai tu anaikata”, tusa Yuus tinaiti.


Israelita ainaka ataksha winau arti tusa Yuus timau

10 Israelita ainaka shir nukap pampagtin ainawai. Imanik pampagkaru asar, yaikim nekapmamainchauwa iman artinaiti. Nu tsawan jeamtaigka, atak awenanka atumka winauchu ainarme tusanka tichatnaitjarme. Antsu atumka wii Yuus Tuke Pujuwaitaj nuna uchiri ainarme tusan titinaitjai.

11 Judá weantu aina, tura Israel weantu ainajai iruuntrartinaiti. Tumawar chikichik apun anaikartinaiti. Tura shuar achira yaruakmau chikich nugkanam pujuina Jerusalénnum waketar ashi jeawartin ainawai. Nu tsawantinka israelita aina Jezreel nugkanam pujuinaka shir aneasartin ainawai.

© 2010, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan