Números 21 - New Testament with Old Testament portions

Israelita aina Aradnumia shuar ainan nepetkamu

¹ Néguebnumia shuar cananeo ainan apuri jas yaakat Aradnum pujau, israelita aina Atarim jintanmani wininawai, tusa tamaun antukuiti. Tuma nitajai maaniattsa nina suntaari ainajai werinaiti, tuma maaninak nitan nepetainak ni achiamunka achir yaruakuiti.

² Turamu asar israelita aina Yuusjai chichainak, nepetmakarti tusam ame ina yainkratkuminka, nita nepetkur yaaktari ainasha ashi tsairattaji, tusa tiaruiti.

³ Tusa tuinakai Yuus israelita ainan nepetmakarti tusa yaigkuiti. Turamu asa Canaánnumia ainan nepetainak yaaktari ainancha tsairaruiti. Nuna turawaru asar nu nugkanka Hormá anaikaru ainawai.

Moisés napin jirujai najana numinam nenaa awajsamu

⁴ Hor nugkanam pujuina jiinkiar, Edomnumanigka wetsuk tenkiar Nayants Kapantu tutainmani wearu ainawai. Tura nui yujasar wii shuar aina

⁵ kajekar Yuusan pachisar, tura winasha pegkerchau chichartuinak: ¿Urukamtai aya nugkanmag yujas, tsukai jinati tusamsha Egiptonam matsatrincha jiikratkimame? Juigka yumainkisha, tura umumainkisha pegke atsawai. Antsu Yuus, yutain nayaimpinmayan akupeamu nuke yuina asar yawettraji, tusar Moisésan tiaru ainawai.

⁶ Tuina asarmatai Yuus napin ishitkauwaiti. Turam shuar ainan nápi asai ijinu.

⁷ Turuinam Moisésan chicharainak: “Ika Yuus pachisar, tura ame pachisrisha pegkerchau chichaku asar tunau jasarji. Tuma asaakrin ina tunauri pachisam Yuus aujsata. Turawakmin nápi ainan emegkarti, tusa Moisésan tiaruiti. Tusa tuinakai Moisés Yuusan aujsauwaiti.

⁸ Turam Yuus Moisésan chicharuk: Nápi najanam numinam anujkam awajsata. Turawakmin shuar aina, nápi asaim jainaksha nuna iisar pegker jasarti”, tusa tinaiti.

⁹ Yuus timaun Moisés turusag umiak nápin najana numinam anujak awajsauwaiti. Turamun shuar aina nápi asaim jainasha nuna iisar pegker jasaruiti.

^10-35 (-)