Números 12 - New Testament with Old Testament portions

María Aarónjai Moisésan kajerkamu

¹ Etíopenmaya nuwan nuatkau asamtai, María Aarónjai Moisésan kajeraina.

² Tumaina asar, amijaigkik Yuus chichaa ijaisha chichauwayi, tusar Moisésan tiaruiti. Tusar tuinamun Yuus antukuiti.

³ Tusa tuinamun antuksha Moiséska shuar ashi nugkanam pujujakarua nuiya ni ima kakakchau ajaku asa, kajeaksha pachikchauwaiti.

⁴ Turasha Yuus nuna nekau asa Moisésan chicharuk: “Ame, Aarón, tura Maríajaimak, wina emematrittsa iruuntai aaknum wetaarma”, tusa tinaiti. Tusa takai Yuus ememattasa iruuntai akan waitirin wearuiti.

⁵ Tumawarmatai nui Aarónkan, tura Maríajai untsuk

⁶ Yuus chicharuk: “¿Wina chichamrun umincha urukamtai pegkerchausha chicharearme? Wina chichamrun shuar ainan ujaktasan wakeraknaka wina chichamrun etsernun karanam ujauwaitjai, turam ni nuna juki shuar ainan ujauwaiti.

⁷ Turasha wina inatair Moisésnaka tuka chichachuitjai. Nigka wina inatair chikich aina nuna nagkasau wina chichamrunka metek umirtinaiti.

⁸ Wika Moisésnaka paan wantintukan chichaajai. ¿Wina chichamrun umincha urukamtai pegkerchausha chicharearme?” tusa tinaiti.

^9-16 (-)