Deuteronomio 18 - New Testament with Old Testament portions

^1-13 (-)

Chichaman etserin atinan chikichan Yuus etegkattawai tusa timau

¹⁴ Moisés ni shuar ainan ataksha chicharuk: “Chikich shuar aina nuna nugke atankirum atum pujustatrum nuigka atak atinan nekau ainan, tura enentaimas nekau aina nuna anturak umirin aina nu pujuinawai. Turasha Yuus atumnaka tumawarti tusagka wakerutmatsrume”.

¹⁵ Yuus wina etegtuawa turusag atum ainarum nuiyan chikichik shuaran, chichaman etserin atinan etegkattawai. Turamu asa chichaman etserkaigka metek umirkatin ataarma.

¹⁶ Atum ainatirmijai nain Sinaí tutainam iruuntrar pujumiaj nui Yuus chicharkurum: “Yuus chichamu atak awena antutka nakitaji, nuiyasha jinawaij tuina asar, jiya numamtin kea ausha atak awena waintaka nakitaji”, tusa timiarme.

¹⁷ Nu tusa takurmin Yuus wina chichartak: “Nita tuina nuka pegkeraiti”.

¹⁸ Ame wina chichamur jukim etseram numamtin atinan nita weantu aina nuiyan chikichik shuaran etegkattajai. Turamu asa nu amee weantu aina nuiyan wina chichamrun juki nita ainan wii tamaun turusag ujattawai.

¹⁹ Wina chichamrun etsernun wii chichamainaitaj turusag etsermaun umirkacharu ainanka waittan wii susartinaitjai.

²⁰ Antsu chichaman etserin wii tichamaitiat waitrak Yuus timaun etserjai tusa takaigka maatin ataarma. Tura nekas yuusrimtai ainan pachis etserusha turusrumek maatin ataarma.

²¹ Yuus timaun juki etserin waitramusha uruk nekamainkit tu enentaimutirmesha atsurmeash, nita waitraku tamauka,

²² Yuus tumattawai tusa turutmaun etserjai tusa timauri metek uminchakaigka, Yuuska tichamaitiatpapi ememak nigki enentaimas tinaita tusarum nekatin ainarme. Tuma asamtai nita etsermau antukrum nekas tumattawapi tusarum ashamkatin airpa, tusa Moisés ni shuar ainan tinaiti.