Deuteronomio 1 - New Testament with Old Testament portions

Moisés israelita ainan Sinaínum ataksha chicharkamu

¹ Moisés ni weantu ainan entsa Jordán tutai yantamen etsa watainmani eke katitsuk Arabá, Sufjai iinias amaunam nugka Parán, Tófel, Labán, Aserot tura Dizahab tutai aina iruna nui aya nugkanmag pujus nitan jintintawaiti.

² Sinaí Horeb tutainam nagkama Seír nainnum jinta weamunam weaku Cadés-barneanam once tsawan jeawai.

^3-4 Moisés amorreo ainan apuri Sihón naartinan yaakat Hesbónnum pujaun nepetak, tura Basánnumia apu Og Astarotnumia ajakua nuna, tura apu Edraynum inamajakua nunasha nepetak pujus, ni shuar aina Egipto nugkanam pujuina jintramu cuarenta uwí ejé, chikichik nantun achiak yama nagkamchak tsawarmaunam Moisés ni shuar ainan chicham umiktinan Yuus timaun imatiksag ujakuiti.

⁵ Moab nugkanam Jordán entsa yantam etsa watainmani pujus ni shuar ainan chicham umiktin ainan pachis jintintuk:

⁶ Sinaí nugkanam pujarin ii umirtai Yuus ina chichartamuk: “Juig nukap tsawan pujusurme”.

⁷ Yamaika atumi aakri aina, atumi waríri aina jukirum, amorreo aina pujuinamunam mura ainanam wetaarma. Tumarum nuna yantamen nugka Arabanam, nugka ikam tepeamunam, nugka paka ainanam, aya nugkanmag nugkani, Négueb nugkanam, Canaánnumia shuar ainan nugken, tura nuiya Líbanonam nagkama entsa uun Éufrates tutainam nugka a nuisha matsamsatarma.

⁸ Tumarum nuiya nugka aina nu akinkarum pujustarma, wii atumin apachri Abrahaman, Isaacan tura Jacobon nu ainan anajmatawaruitjai. Tura asan nu nugka ainanka atumin susattajrume, tusa Yuus turamnaitji, tusa Moisés ni weantu ainan tinaiti.

^9-46 (-)