2 Samuel 23 - New Testament with Old Testament portions

David akatmamku chichakmau

¹ Davidka, Isaí uchiri ajakuiti. Yuus ninka eme anentsa iitai amajsauwaiti. Yuus, Jacob umirujakmauwa nu, ninka apu amajsauwaiti. Israelnumia chikichik shuar shir kantamin asa, wakerutai ajakua nu, inagnak kantamuk:

² “Yuusa Wakaniya nu, winaka chichamtikrawai. Nu chichamtikrakai wika chichajai”.

³ Yuus Israel emematujakmauwa nu chichakmayi. Yuus Israelan ayamrujakua nu, wina chichartak: “Apu shuar ainan pegkernum inauka, tura apu Yuusan umirnuka,

⁴ etsa káshikmas pegker etsanna numamtuk, shuar ainan pegkernum yaigtatui”. Yumi yutuk nupa ainan shir tsapamtikna numamtin atatui.

⁵ Yuus wijai chichaman umikuiti, tura nuka atakea nuisha tuke atinaiti. Tuma asamtai wina pataar ainaka sapijmatsuk shir pujusartatui, wii wakeramunka Yuus ashi umirtuktatui.

⁶ Turasha shuar tunau takatan inaitan nakitin aina nuka, pegkerchau asar jagki achimainchauwa numamtin ainawai.

⁷ Nitaka nagkijai, jagki yaruakar ji keamunam utsaam esak megkaina numamtin ainawai. Nu turamunka atak awenawarka juchau ainawai, tusa David tinaiti.

^8-39 (-)