'Bŏi Calêu Plình 6 - Sech Hadròih

Waiq Dang Chuaq ta Jò Glàm Bìac Nan Xa Đawit Achìh

Đawit Achìh

¹ Chuaq ôi, jò Ìh nòih, xìn paq lech ca au; jò Ìh plôh nòih, xìn paq baxa au.

² Chuaq ôi, xìn Ìh xa-ŏch ca au taiq au cô ìuq wa hŏnh manoh; Chuaq ôi, xìn Ìh broq brêh ca au taiq caxènh au jìq.

³ Mahua yiang au hlè lèt, tarìt tariang! Chuaq ôi, dùnh dang leq hòm adroi ca Ìh trùh am ca au catèm?

⁴ Chuaq ôi, wìh hlài beq, xìn Ìh dŏih dèch mahua yiang au; xìn Ìh dèch au nhò can xa-ŏch xam manoh loq waq da Ìh.

⁵ Ma jah 'màng aih pi i ca mangai leq hmàng ca Ìh jò haq khoi cachìt; ŏi ta ralùng hanang, cabô manè padèch hiniq Ìh?

⁶ Au crò hmoi 'ngah ca mang. Jùang au loh ca hadàh, dadrah au loh ca 'yôm diac mat.

⁷ Mat au loh ca pònh taiq cla au mango, mat au wìa mòn lep taiq wì ma git ca au.

⁸ Pì mangai dù wia hangai ca au beq, ma jah 'màng aih Chuaq khoi tàng bàu au crò hmoi.

⁹ Chuaq khoi tamàng bàu au waiq xìn. Haq khoi xa-ŏch rùp bàu au waiq khàn.

¹⁰ Dìq ca wì ma git ca au jah camaih, èh yùq crè dìq jaq; wì haq wia enh au, wa ta'ngàc wì haq 'bìq camaih.