'Bŏi Calêu Plình 3 - Sech Hadròih

Waiq Khàn Daxroq: Canòm Chuaq!

Đawit Achìh Jò Haq Cadàu Mot ca Ap-sa-lôm

¹ Chuaq ôi! Bàc hrìn mangai git ca au, bàc hrìn mangai yòng tajraq hlài ca au.

² Bàc ngai doi mahua yiang au: “Boc Plình joq 'nàng ùh dŏih dèch haq.”

³ Mahaq Chuaq ôi, Ìh raq khìan au đòiq au jah hanình; Ìh raq can 'ngah 'ngai da au, wa Ìh dèch gàu au jah ngoi.

⁴ Jò au creo ca Chuaq, enh wang hadròih da Haq, Haq padreo bàu ca au.

⁵ Au ca'nùng jah cùi hnia, au rìu jah catèm ma jah 'màng aih Chuaq wèq ban au.

⁶ Au ùh crè 'nhac ca i bàc ngŏng mangai dudan ca au pôn pah.

⁷ Yòng beq Chuaq ôi! Boc Plình da au ôi! Xìn dèch au jah claih, ma jah 'màng aih Chuaq khoi tep tabŏc dìq ca wì ma tagit ca au; Ìh khoi gria hanenh wì mangai ngang dù.

⁸ Bìac dèch dŏih trùh enh Chuaq. Waiq xìn xôq ramŏt da Chuaq ŏi ti jàn da Haq!