'Bŏi Calêu Plình 114 - Sech Hadròih

¹ Jò jàn Is-ra-ên loh lam enh Aicàp, hnem da Jacôp hangai enh jàn capoch bàu jàn 'noiq,

² èh Juđa jah wìa nòi hadròih da Haq, Is-ra-ên, aih jàn Haq wèq cwìang.

³ Diac raxìq cadàu mot, cròng diac Jôđan cadàu dang lùi.

⁴ 'Bài wang aplôh tìah ca trìu calô, 'bài go aplôh tìah ca trìu con.

⁵ Ôi diac raxìq gleq gè cadàu mot? Ôi cròng diac Jôđan, gleq gè cadàu dang lùi?

⁶ Ôi 'bài wang, gleq aplôh tìah ca trìu calô? Ôi 'bài go, gleq gè aplôh tìah ca trìu con?

⁷ Ôi taneh, khòh tarìt loq yùq crè enh ngìa ca Chuaq beq, aih enh ngìa ca Boc Plình da Jacôp.

⁸ Haq ma broq hmu loh tŏng diac; hmu cadoq loh tamŏc diac.