'Bŏi Calêu Plình 1 - Sech Hadròih

Mangai Ta-atoq Hadrò ca Mangai Dù

¹ Xôq ramŏt am ca mangai leq ùh tiaq trong wì mangai dù, ùh yòng pajùm ti mangai broq tôiq, wa ùh ha'ngui ti mangai loq jù lê.

² Mahaq haq lem bùi ca ranenh Chuaq; dahì damang hèm haboq ca ranenh Haq.

³ Haq tìah ca long hon trong thòng diac, loh plì troq jò, hla haq ùh hŏnh, rìm bìac broq da haq dìq jah xôq ramŏt.

⁴ Wì mangai dù ùh jah 'màng aih, mahaq wì haq tìah ca hri croh tarŏng jò cayeo hlôi.

⁵ 'Màng aih mangai dù ùh nui yòng ta hì hadrah, wa mangai broq tôiq ùh jah mùt ta tagop da mangai ta-atoq.

⁶ Ma jah 'màng aih Chuaq wèq ngan trong lam da mangai ta-atoq, mahaq trong lam da mangai ngang dù jah 'bìq raliang đac.