NEHEMIA 10 - PATHIAN LEKHABU IRTHIANG C.L. Bible (BSI)

¹ Khanchu a ni namindet puituhai chu hihai hi an ni; Hakalia nâipa ram optu Nehemia le Zedekia;

² Seraia, Azaria, Jeremia hai,

³ Pasura, Amaria, Malkija hai;

⁴ Hatusa, Sebania, Maluka hai;

⁵ Harima, Meremota, Obadia hai;

⁶ Daniela, Ginethona, Baruka hai;

⁷ Mesulam, Abija, Mijamina hai;

⁸ Maazia, Bilgaia, Semaia hai: hihai hi ochai an ni,

⁹ Khan Levihai: Azania nâipa Jesua, Henadada, nâihai laia mi Binuia, Kadmiela hai;

¹⁰ An urêng Sebania, Hodija, Kelita, Pelaia, Hanonia-hai;

¹¹ Mika, Rehoba, Hasabia hai;

¹² Zakura, Serebia, Sebania hai;

¹³ Hodia, Bania, Beninua hai;

¹⁴ Mipuihai: Parosa Pahat-Moaba, Elama, Zatua, Bania hai;

¹⁵ Bunia, Azgad, Bebaia hai;

¹⁶ Adonija, Bigvaia, Adina hai;

¹⁷ Atera, Hezekia, Azura hai;

¹⁸ Hodia, Hasuma, Bezaia hai;

¹⁹ Harifa, Anathota, Nebaia hai;

²⁰ Magpiasa, Mesulama, Hezira hai;

²¹ Mesezabela, Zadoka, Jadua;

²² Pelatia, Hanana, Ana hai;

²³ Hosea, Hanania, Hasuba;

²⁴ Halohesa, Pilha, Sobeka hai;

²⁵ Rehuma, Hasabna, Maaseia hai;

²⁶ Ahia, Hanana, Anana hai;

²⁷ Maluka, Harima le Baana hai an ni.

An chonginkung irziak

²⁸ Khan, mi dang, ochaihai, Levihai, mikot hrungtuhai, hlasaktuhai, Nethinim hai le Pathian dân zôm tuma kha rama mihai lak ata irkiang murdihai, an dôngma le an nâihai, a sia le sa inhriat thei dôrhaiin,

²⁹ an urênghai, an milian hai kha mahai loiin Pathian siahlo Mosia pêk Pathian dân zôm hranga, Rengpa kin Rengpa thupêk murdi le a roirêlnahai le a thu’nkung chu zôm le vonga,

³⁰ Kha rama mihai chu kin nâinuhai inluatirhai loia, kin nâipasalhai hrangin an nâinuhai nei loiin,

³¹ kha rama mihai irngam nia thil zuar hrang neinun mani, fâk hrang mani, an hong lâka irngam nia mani, sûn ser bîknaa khom ircho pehai loia; kum sarina tena ram man chôina murdi an lâkaihai sîng loi hrangin khomâk an irsâma.

³² Khan kin Pathian in tianga sin thôna hrangin sekel hmun thuma sena hmunkhat, a kum tina pe hrangin dân kin siama.

³³ Bu siana hrang hai, baidi thil inhlan mai hrang hai le, hâlirvôm thilinhlan mai hrang hai, irngam ni hranga le, tha thara hrang, hunbi nei kûta hrang, thil irthiang hai, Israel mihai hranga irngeina siamna hranga sual irbôlna hrang le kin Pathian in tianga a nang murdi thôna hrang hai.

³⁴ Kin pi le pu in sûng mihai anga a kum tin zoro bîk indanga dân bua irziak anga Rengpa kin Pathian maichâma hâl hrang thinghlek hrangtu inhriatna hrangin ochaihai le Levihai, mipuihai leh tâ kin sâna:

³⁵ a kum tina kin loia a vâng masatak le thing tinrêng laia a ra masa tak Rengpa ina sia hranghai,

³⁶ dân bua irziak angin kin nâilutîr le kin sa laia a suak masa tak, kin sehrât le kêlbelrahai laia a suak masa tak, kin Pathian ina sinthotu ochaihai kuanga Pathian ina hruai hrang hai.

³⁷ Kin Pathian in tentana ochaihai le kin bai fâk hrang masa tak, kin ngaihoi thilinhlan hrang chi tinrêng rahai le, uain le sahriak chôi hrang hai; kin loia mi sôma inkhat Levi hai pêk hranghai dân kin siama, Levi haiin kin kho sûnga loi tho ngai khua murdia sôma inkhat an lâk ngaia.

³⁸ Khanchu Levihaiin sôma inkhat an lâk laiin, Arona irchia mi ochai chu Levihai laia a iom hrang a ni: Levi haiin sôma inkhat an lâk ata sôma inkhat chu kin Pathian ina, irchon bukkhômna tentana khan an hong isia hrang a ni.

³⁹ Israel irchihai le Levi irchihaiin bu le uain le sahriak vôka thil inhlan chu hmun irthiang bêlbûr le sinthotu ochaihai, mikot hrungtu hai, hlasaktu hai, omna tentana khan an isia hrang a ni; hihai anga hin a ni, kin Pathian in chu masan loi hranga dân kin isiam a ni.