MALAKIA 1 - PATHIAN LEKHABU IRTHIANG C.L. Bible (BSI)

Rengpa’n Israelhai lung a thung

¹ Israelhai kuanga Rengpa thu suak Malakia kut ziak chu.

² Rengpa khan, lung nangni ki thung a ni a tia. Nangni rêkin chu, khoa khan mo lung ni ni ithung? nin tia. Esaua kha Jakoba urêng a ini loi ma ni? ti hi Rengpa thu suak a ni: Jakoba kha lung ki thunga;

³ Esaua rêk chu ki khôkmâka, A tânghai chu hmun ramin ki siama, ar chon dongtum chu ram sialhai ki pêk a ni.

⁴ Edom-hai khan, “Inhnê’n ei om nâkin, kîr nôk ei ta, hmun siat takhai kha siam insa ei ta”, tihai sian khom; Sipaihai Rengpa khan hiang hin a ti, “Sin an ta chu kai inrîl ki ti: khan, mihai khan anni kha, ‘Siatzoina ram le kumkhuaa an chunga Rengpa ninginmurna chian chian nam,’ ti an tih.

⁵ Nin mit ngeiin hmu nin ta, ‘Israel ram khêl tena khom Rengpa kha chôiindômin om ri se, nangni ngêtin la ti nin ti.

Rengpa’n ochaihai a hal

⁶ Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

⁷ Ki maichâma khan bai porinche nin inhlan kha te. Nangni’n, khoa khan mo kin iporinchetirna? nin tia. Rengpa maichâm hi hmusitom a ni, nin iti hennaa hin a ni.

⁸ Irbôlna’n a mitcho nin inhlanin sualna a iom loi ma ni? A ke’nbâi le sirirdul nin inhlanin sualna a iom loi ma ni? Nin ram optu khom pe ngân u ta; nangni lôm ni mo? Aninole, nangni lei irngaisâng ni mo? Sipaihai Rengpa’n a ti.

⁹ Atûn hin lung a nin kham theina hrangin Pathian lung inchuktirna zong roi. Hiang hin nangni kut suak ngei a ni, Nangni a lei ingaisâng hrang ma ni? Sipaihai Rengpa khan a ti.

¹⁰ Mâkana’n ki maichâma khan mei nin inchok loina hrangin, Nin laia mi, mikot khâr hrang om sianlân chu o! Nin chunga lômna rêng rêng nei ma ung, nin kut ata thil irhlan kha pom sa no ning; Sipaihai Rengpa khan a ti.

¹¹ Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

¹² Nangni rêk chu, Rengpa maichâm kha a porinche a ni, A thei ra a bu ngei kha hmusitom, nin itia khan a ni. A porinchetirtu nin ni.

¹³ Khan, irngai u ta, ningirhal a om bâka! nin ti saa, nin hnâr nin không khuma, Sipaihai Rengpa’n a ti; irbôlna hrangin mi thil nin ilâk hai, a ke’nbâi hai, sirirdulhai nin hong laka; khaangin thilinhlan kha nin hong lâka: khahai kha nin kut ata ki ipom hrang ma ni? Rengpa’n a ti.

¹⁴ A belra pâl laia a chal om chianin, chong khom inkungin Rengpa kuang a hmêlvei inhlana huangtu kha khosâl tong a ni: Kei chu rêng roiinpui tak ki nia, kha rêng roiinpui tak ki nia, ki’rhming khom Jentailhai laia ichiom a ni, Sipaihai Rengpa’n a ti.