JOSUA 15 - PATHIAN LEKHABU IRTHIANG C.L. Bible (BSI)

Juda irchihai ram

¹ Juda irchihai, an sûngkua kuain an irsem hrang ram tum, sim tiang mongna tianga Edom ram le Zin ramchâr a oma.

² Sim tiang ramri chu Tuipui Thi sim tiang kil mongna tiang a’rphuta.

³ Khan, sim tiang panin Akrabim fena thang tiang a fe pata, Zin ramchâra a lûta, Kades-barnea sim tianga Hezrona dênin a fea, Adar-a khan a tungin a fea, Karka tianga a inhera,

⁴ Azmon-a a fe zêla, Aigupta ramri dunga a suna, ivadung chu zoiin Mediteranean tuipuia a zu irchuna. Hi hi Judai ram sim tianga ramri chu a ni.

⁵ Nisua tianga ramri chu Tuipui Thi a ni, Jordan dung sua thalin.

⁶ Hmâr tianga ramri chu Jordan dung tuisuaa a’rphuta, Beth Hogla-a a tungin a fea, Beth Araba hmâr tiang a fe pata, Bohana lunga a zu suna. Bohana hi Reubena nâipa a ni.

⁷ Akor irhôr ata Debir khuaa a tungin a fe zêla, khan ivadung sim tianga om Adumin-a fena tianga om Gilgal a dêna. En-semes tuikhura a fe zêla, En-rogela a fea.

⁸ Jebus-hai khua Jerusalem omna sim tianga irhôr, Hinom chu a dêna, ramri chu Hinom nitâk tiang panga irhôr bula om tâng sîpa a fea, kha kha Refaim hmâr tiang pang irhôr mongna tak a ni.

⁹ Neftoa tuikhura a fea, Efron tânga khuahaia khan a fe thala; Baala khua tiang a inhera; kha khua kha Kiriath-jearim khom an ti ngai.

¹⁰ Khan, ramri chu Baala rengata a fe irkuala, Seir tâng a dêna, Jearim tâng sak tiang panga a fea, Beth-semes-a a suaka, Timna a lôi pata,

¹¹ Ekron khua hmâr tianga tâng dung a zuia, Sikeron tiang an infetira, Baala tâng khêlin Jamnia khua a dêna, kha rengata Mediteranean tuipuia a monga.

¹² Tuipui liantak chu nitâk tianga an ramri a nia. Kha ramri sûng chu Juda irchihai omna hrang chu a ni.

Kaleba’n Hebron le Debir a lâk

¹³ Rengpa thupêk angin Josua’n Jefunea nâipa Kaleba chu Juda irchihai laia khan ram dongtum a sin pe saa. Hebron khua, Kiriath-arba an ti, Arba khua chu a neia, Arba chu Anaka pa a ni.

¹⁴ Kaleba’n Anaka nâihai inthum Sesaia hai, Ahimana hai, Talmaia hai chu a’rzûl insuaka.

¹⁵ Tianlaia Kiriath-sefer an lei iti ngai Debir khua chu an hong doia.

¹⁶ Kaleba’n, “Kiriath-sefer hong doia inhnêtu chu ki nâinu Aksaii, hi a dôngma hrangin pe zel ki ti,” a tia.

¹⁷ Kaleba sangpa Kaneza nâipa, Othniela’n kha khua kha a lâka, Aksaii chu dôngma’n a nei tâka.

¹⁸ An irnei nî khan Othniela’n, Aksaii kha a pa kuang ram nghi hrangin an thêma. A sakuartung ata a chuma; Kaleba’n a kuang, ‘Imo ni inuam?’ a tia.

¹⁹ Khan ama’n, “Nin renin lân, ram ni ni ipêk hi ramchâr a nia, tui omna ni pe sa ro,” a tia. Khanchu, tui hnâr nei khoichung le tuihnâr nei khoihnuai chu a pêk tâka.

Judai ram khua

²⁰ Juda irchihai nam an insûngkua kuaa, an irsem hrang ram dongtum chu hihai hi a ni.

²¹ Sim tianga a mongna tak, Edom ramri depna tiang ram an nâihai chu hi hi a ni: Kabzeel, Eder, Jagur,

²² Kina, Dimona, Adada,

²³ Kedes, Hazor, Ithnan,

²⁴ Zif, Telem, Bealot;

²⁵ Hazor-Hadata, Kerioth-hezron, (Kha kha Hazor a ni.)

²⁶ Amam, Sema, Molada;

²⁷ Hazar Gada, Hesmona, Bethpelet;

²⁸ Hazar-sual, Beerseba, Biziothia;

²⁹ Baala, Iim, Ezem,

³⁰ Eltolad, Kesil, Horma;

³¹ Ziklag, Madmana, Sansana,

³² Labaot, Silhim, Ain, Rimon, le an kôlvêla khuahai, anrêngin khopui sômhnikuak a ni.

³³ Tâng kôla phâi rama khua omhai: Estaol, Zora, Asna,

³⁴ Zanoa, Enganim, Tapua, Enam;

³⁵ Jarmut, Adulam, Soko, Azeka;

³⁶ Saaraim, Adithaim, Gedera, Gederothaim, le an kôlvêla khuahai leh khopui sômkhat minli a ni.

³⁷ Hi khuahai khom hi a ni: Zenan, Hadasa, Migdalgad,

³⁸ Dilean, Mizpa, Joktheel,

³⁹ Lakis, Boskat, Eglon,

⁴⁰ Kabon, Lahmam, Kitlis,

⁴¹ Gederot, Bethdagon, Naama, Makeda le an kôlvêla khuahai leh khopui sômkhat kiruk a ni.

⁴² Hi khuahai khom hi a kop: Libna, Ether, Asan,

⁴³ Ifta, Asna, Nezib,

⁴⁴ Keila, Akzib, Maresa, le an kôlvêla khuahai leh khopui kuak a ni.

⁴⁵ Ekron khom a kôlvêla khuahai leh a kopa,

⁴⁶ Asdod kôla khopui le a kôlvêla khuahai, Ekron le Mediteranean tuipui kâra khuahai khom a kop.

⁴⁷ Asdod le Gaza, an kôlvêla khuahai le, Aigupta ramri vadung leh an kâra Mediteranean tuipui kôla khua omhai a kop sa.

⁴⁸ Tâng rama hi khuahai hi a kop sa: Samir, Jatir, Soko,

⁴⁹ Danna, Kiriath-sana, Debir ti a ni sa;

⁵⁰ Anab, Estemoa, Anim,

⁵¹ Gosen, Holon, Gilo, le an kôlvêla khuahai leh khopui sari a ni.

⁵² Hi khuahai khom hi a kop: Arab, Duma, Esan,

⁵³ Janim, Beth-Tapua, Afeka,

⁵⁴ Humta, Hebron, Zior, an kôlvêla khuahai leh khopui kuak a ni.

⁵⁵ Hi khuahai khom hi a kop: Maon, Karmel, Zip, Juta,

⁵⁶ Jezreel, Jokdeam, Zanoa,

⁵⁷ Kain, Gibea, Timna, an kôlvêla khuahai leh khopui sôm a ni.

⁵⁸ Hi khuahai khom hi a kop: Halhul, Bethzur, Gedor,

⁵⁹ Maarat, Bethanoth, Eltekon, an kôlvêla khuahai leh khopui kuak a ni.

⁶⁰ Hi khuahai khom hi a kop: Kiriath-baal, Kiriath-jearim an ti sa, Raba, an kôlvêla khopui inhni a huap sa.

⁶¹ Ramchâra, hi khuahai hi a om: Beth-Araba, Midin, Sekaka,

⁶² Nibsan, michi khopui, Engedi, an khua vêla khuahai leh khopui kiruk.

⁶³ Juda irchihaiin Jebus-hai, Jerusalema omhai chu inhnotsuak zoi mahai. Juda irchihai leh Jebus-hai chu atûn ten hin an la om mai a ni.