JEREMIA 24 - PATHIAN LEKHABU IRTHIANG C.L. Bible (BSI)

Theipui ra bêmpui hni

¹ Rengpa’n theipui ra bêm hni tempil kholaia sia a nir hmua. (Hihai hi Juda rêng Jehoiakima nâipa, rêng Jehoiakina le Juda hruaituhai kut sintheihai, thîrsukhai ngai Babulon rêng Nebukadnezara khan Jerusalema irthokin Babulon sala a hruaihai zoia a ni.)

² Matona bêma khan theipui ra sa hmin masahai an oma; a danga khan theipui ra saloi fâk thei ni ta loi a oma.

³ Khanchu Rengpa’n, “Jeremia imo ni hmu?,” a ni tia. Khanchu, “Theipui rahai ki hmu, a sahai chu a satak taka, a siathai chu a siat ta tak a ni,” tiin ki sâmhaia.

⁴ Rengpa’n ki kuang,

⁵ “Keima Rengpa, Israelhai Pathianin Babulon tianga hruaia om tâkhai kha hi theipui ra sahai angin ki bê a nia, an chunga lungkhamin chang ki ti.

⁶ Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

⁷ Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

⁸ “Juda rêng Zedekia, a roirêltuhai, Jerusalema mipuihai, hi rama la omhai mo, Aigupta rama rothai mo chu, hi theipui ra fa hrangin sa ta loihai ang hin an chunga sin tho ki ti.

⁹ An chunga vânduaina irkhêl tak intung ki ta, rammuala nam tinhai chu chi ta tak an ti. Mihaiin nuisohai an ta, tufiam thôna’n hmanghai an ta, êsêlhai an ta, ki inthekindarna hmun tina an irhming chu khosâlna’n hmang an ti.

¹⁰ Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.