ISAIA 64 - PATHIAN LEKHABU IRTHIANG C.L. Bible (BSI)

¹ Irvân insetin zuang chum theiin lân, ni kuang chu tânghai inthingin om thei an ti.

² Meiin thing châr a ikâng angin, tui a irtoktir ang hin, nam tinrêng hi ni makunga inthinghai sian, ni râlhai nir hming inhretirhai roh.

³ Kin isabei loi thil ichiomhai ni thoa, ni zuang chum lai khan tânglianpahai khom inhnîngin.

⁴ Nangma nang innanghai ta hrangin mita hmu ngai loi le mikuara inhriat ngai loi, sintho ngaitu Pathian chu nangma vai ni nih.

⁵ Thildik tho nuam, ni nuam lama omdân theihai, ni lei lôm ngai. Kin chunga chu ni ning an mura, kin sual nuam hrai sikin, zoro sôttaka sual tâkhai hi saninhring kin la ini thei hrang mo?

⁶ Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.

⁷ Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

⁸ Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

⁹ Rengpa kin chunga hin ni ninginmurtir ta no’n lan, kin tho insualnahai inhre mai ta no ro; ni en mai ta no’n lân, ni mihriam inzen kin ni.

¹⁰ Ni kho irthianghai chu ramchâr a chang zoi ta, Zion khua chu ramchârna hmun a chang zoi ta, Jerusalem khua chu a ram zoi ta.

¹¹ Kin in irthiang le hoi, kin pi le puhai nang inpâkna hmunhai, meiin a kâng zoia, kin omhmun sahai khom a chim siat zoi ta.

¹² Rengpa hi hih a poi moh ni tipui mak che? Dâihrekin, deng ni ni intheitir mai hrang ma ni?